[AbuNawaf] باريس .. عشقتك قبل ما شوفك .. وشفتك صرت كلي حلم (ج7)

شبكة أبو نواف
وسائط أبو نواف
رسائل الجوال SMS
مجموعة ابو نواف رسائل المجموعة ملتيميديا وصلات خارجية الاعضاء إحصائيات

باريس .. عشقتك قبل ما شوفك .. وشفتك صرت كلي حلم (ج7)
ارسلت بواسطة العضو : المايـســتــرو بريد العضو : al.maistro@yahoo.com

للتعليق ولمشاهدة الموضوع بشكل افضل : http://www.abunawaf.com/post-6937.html

مساااااااااااااء الخير لكل الأحبابــ ..
مسااااااااااااء الورد لكل الأصحابــ
مساااااااااااء ما يليق إلا بأحبابي … انت .. وأنتي …
كيفكم يا حلوين .. وش مسوين … ان شاء الله بخير وعااااااافيه

الا كيفكم مع الامتحانات … يا قلبي عليكم بس … حاس فيكم والله … كلن شايل همها …

ادري انه مو وقته هالتقرير … لكن قلت عشان تغيرون جو شوي من هالمذاكره … يعني ممكن تخلي
قراءتك للتقرير جزء من البريك …

اول شي اشكر الجميع … الجميع على تفاعلهم مع اول جزء من تقرير ديزني لاند …صراحه شي يخلي الواحد يتحمس اكثر واكثر
قبل ما أبلش …
كيف طقوسك الحين !!
كل مفرحاتك حولك ؟!!
جوالك غطسه في اقرب كاس حليب بالزنجبيل .. عشان يدفى ونرتاح منه
وريموت التيفي …. شل بطاريته
وعشان اعيش جو اكثر … حطيت التيفي على قناه ديزني

عشان اعيش الجو صح صح ….
قبل ما ابدأ … الصور عددها تقريبا 95 صوره
عندك شي يالطيب … والا مشغول .. خل التقرير بعدين …
فاضي … ما عندك شي .. عطني كل حواسك .. وقلبك …. وروحك …. وتعال …
نبدا …!!
دقيقه بصلح جلستي
هيا بنا


مع اشراقه صباح رااااااائع … من روائع باريس … قلت اليوم بيكون لديزني … لأني قبلها نايم تمام التمام … فقلت ما بدهاش يا باشا … خلها اليوم كله ديزني …
طلعت الكوفي على الساعه 9 ونص .. وتقهويت وعينت من الله خير …
بعد طلعت على محطه القطار .. عشان اروح لديزني …
طبعا اول ما رحت المحطه .. كنت عااااااااقل مره …. عشان المخالفه اللي دفعتها قبل … حتى تصدقون … اني راكب القطار وانا متكتف … وجالس قدام بعد
اول ما وصلت لديزني .. اتجهت للبوابه الرئيسي .. اللي تدخلني على ديزني بارك .. او ما يسمى الملاهي والألعاب …. وهذه صوره قبل ما اوصل لها …

بعدين مشيت شوي … وادخل مع هالعالم .

حتى وصلت لشباك التذاكر … وقصيت لي تذكره وحده … وهذه هي …

كان سعرها 46 يورو … تقريبا 250 ريال …
بس مو خساره والله …
المهم قصيت التذكره .. وادخل …
قبل ما تدخل .. بنصحك نصيحه … فيه عند البوابه مثل البروشورات .. والخرايط … دور على خريطه الالعاب … عشان بعلمك وش تسوي فيها …
ها .. حصلتها ..!! ...
ايووووه هذه هي
خلني بوريك خريطتي … احسن من خريتك
شوفها معي …

تشوف اللي تحت ..!! … هذه البوابه … من هنا بندخل ان شاء الله … طيب وش فائده هالخريطه ..
هالخريطه مهمه .. مهمه .. جدا جدا … ليش ..!! … لأنها ترتب عليك وش تبي تلعب …

مثلا تلاقيهم حاطين لك .. الالعاب الخطره بلون معين … حاطين لك ألعاب الاطفال بلون معين … مفصلين كل شي … وغير كيذا … ممكن لو كنتم قروب معين … وضيعتو بعض .. او تبي تدق على خويك تقول له تعال لقيت لعبه حلوه … كيف تبي توصف له !! … صعب جدا جدا .. تقول رح يمين .. بعدين يسار .. بعدين قبله ..
لالالالالا لو كانت معه الخريطه .. وانت معك الخريطه … قله بس انا عند رقم 33 .. وهو يجيك على طول …

طيب طيب … يالله جاهزين نبدا نلعب
اول شي بالنسبه لي .. ما اسميها ألعاااااااب … اسميها مغااااااااامرات … جد والله … مو كلها تركب شي ويدور بك … لالالا .. فيه اشياء روعه تدخلها وتطلع منها …
امممممممممم .. من وين نبدا .. من وين .. من وين
<<< يحك راسه …
ايوووووووه .. خلونا نبدا من الساحه اللي في النص .. اوكي ..!!
انتبه .. ترى الجو روووووووووعه .. صحيح انه رذاذ مطر .. بس روعه صدأني يابني
اول ما دخلت الساحه … الا اشوف قطار العروض حق ديزيني … جالس يتمشى …كانت الميوزك حقت
ديزني في كل مكااااااااان .. وين ما تروح تسمعها … عاد شوفو معي الصوره

هنا القطار اللي يحمل بعض شخصيات ديزيني …. يلف حول القريه كلها .. ويحي الجماهير ….
بوص كمان …

وصلو … وصلو … قرب قرب … لا تبعد عشان تشوفهم زين

وهذه ..


ما تكلفت ابد في جدايلها
وهنا برضو

طبعا الجو مره رايق .. الميوزك في كل مكان .. والعالم ترقص مع شخصيات ديزني
وهذا احسه فااااااااااااااااااهي … شوف بالله شكله ..


روقااااااااااان

روووووووووووعه ….

بعد ما راح هالقطار … قلت ببدا من اليمين … ووصلت لمثل حلبه سيارات … كنت متحمس لها .. بس حسيتها حقت اطفال .. شوفها معي …

وهنا …

عنننننن … عن عن

بعدين لقيت مثل الصواريخ معلقه وتدور … تذكرت لعبه البطه اللي عندنا في ملاهي الخيمه … اما لعبه البطه اللي في الخيمه … اذا ما جاك النوم .. واصابك الارق لمده طويله .. فرح لملاهي الخيمه ..
واركب هاللعبه .. شرط 9 دقايق الا انت في سابع نومه
المهم خلونا نشوفها .. مو البطه .. لالالا .. ديزني اقصد

وهيدي …

وبجنبها برضو لعبه حلوه … مثل الصاروخ .. بوص معايا …

يا هو بعد يروع … اذا انطلق وقال بووووووووووووووووف .. .. ما يردك الا اسواق السدحان مخرج 15 ..

وانا امشي … لقيت هالمكان …

هذا مجمع مطاعم مختلفه … قلت بدخل ادور لي كوفي … مع الجوا ذاك .. الكوفي يرد الروح ..
وادخل …

وآخذ لي كوفي كبير … وانشف ملابسي شوي من المطر … وأطلع أكمل …
حتى وصلت لمكان روووعه .. مثل قطار الموت …. لكن كأنه قطار يمر فيك بين أدغال الغابه
شوف معاي …

هنا المدخل …

بعدها دخلت … و قابلتني هالخريطه

هذه المغامره كيف جايه … مثل العربات .. او ما يسمى قطار الموت .. تركبها .. ويلف فيك بين شجر و حركات مررررره رهيبه .. تحس انك في غابه .. شوف معاي الصور ..

هذه اول شي عند المدخل ….

بعدين تشوف بعض المناظر اللي تدخلك جو صح ..

وهذه سياره اسد الغابه … موقفها في الظلال ...

وهذا منظر من بعيد … للطريق اللي بيسلكه القطار … او العربات .. بوص يا بني …

وشوف هنا برضو

المهم ركبتها .. وخظني القطار خظ ….
يالله … وين لياقتكم … خلونا نروح لمكاااااااااان ثاني … يالله …
بعدها رحت لمكان عند البحيره .. وش هالمكان !! … خلونا نشوفه مع بعض ..

ونقرب شوي …

طبعا الميوزك هاااااااااديه .. ورايق الجو بقوه… قلت لك .. خلها محطه راحه

بوص معايا على الصور .

مسترخيه الاميره الصغيره
وهذه …

بعدين مرينا على القسم العربي .. شوف وش حاطين

يمديكم على العباااااااايه
والا الفستان الزهري ….

والا الغتره .. كأنه أجنبي اول مره يلبس شماغ

بعدها مرينا على قسم جنوب افريقيا … مدري الهنود الحمر .. مدري منهم .. ذولاك اللي يقولون ..
اواواااا اواواااااااا

<<<< جالس يضرب بيده على فمه عشان يطلع الصوت

وهذه …

بعدها طلعت من هنااااااااك .. وكان هالمنظر قدامي …

بعدها طلعت .. وألاقي بعض شخصيات ديزني …. وصورته

مدري خشم … مدري شفايف .. مدري وشو
بعدها بدأ المطر يزيد شوي … شوف …


بس قلت مستحيل اوقف .. مكمل مكمل … يعني مويه المطر تموت والا مويه المطر تموت
ودك نكمل والا نوقف شوي ..!! … هااااا .. وش رايك !! … نكمل ؟
اوكي يالله
خلونا نروح للقلعه

واللي فيها القبطان .. والسفينه الطايحه … مدري الخربانه … اللي فيها الكنز …

المهم اول ما توصل .. تشوف علم القراصنه

على طووووول جا في بالي … سيلفر .. تذكرون سيلفر.. ابو الرجل الخشبيه .. … ذكرتوه ؟ … ما ذكرته ؟ … ما الومك كل مخط الحين مناهج دراسيه .. شوف هذا سلفر …


ايييييييه .. اياااااااااام

خلونا اول نركب العربات مع بعض .. عشان ندخل في هالسفينه المحطمه .. ونشوف سلفر وربعه …

يالله كل واحد في مكانه !! … تحرك ياااااااا هو …
بعد ما تتحرك العربات وندخل شوي .. تشوف هالمناظر قدامك …

وطبعا طول ما انت ماشي .. تسمع اصوات تخوووووووف

هالاثنين شاااااااربين وفاقدين .. يا ويلكم من سيلفر لو عرف انكم تشربون النبيذ ...
بعدها مرينا على حطاااااااااام كم السفينه

شوي .. ونمر على مكان يتجمعون فيه .. الظاهر انه الساحه …

وهذه

مدري وش هاللي يسار الصوره .. اسد يستهبل في ثوب حمار .. والا عنز بقرون .. … المهم نكمل احسن
وتشوف هياكل عظميه … واشياء قديمه …

وانت مااااااااشي … يطلع لك واحد مثل هذا

زقارته هذه ما طفت من فتحو ديزني

بعدها مشينا شوي … ونشوف واحد معلق .. ميت

هذا سيلفر ما يلعب … ما عنده يا ماما ارحميني
ونمشي شوي .. يوم سمعنا صوت قطوه … ميووووووووووووااا …
وطلعت لنا قطوه مجمده شوفها معي ..

اطب في المويه ؟
لالالا .. ما ابي اطب …!!
طيب يمكن بارده …
لالالا .. احسها دافيه …
ياربيه .. لالالا شكلها دافيه .. ودي اتروش ….
طبعا .. احس القطوه تقول كيذا
<<< بلا تحشيش بليز ..

بعدها لفينا كثيررررر .. في هالسفينه .. ومع الاصوات المرعبه .. والحركاااااات .. وصلنا للكنز

وهذا الهيكل العظمي حق سيلفر .. تعب .. واجتهد .. عشان يوصل لنا الكنز .. حتى شوفو الهلل عندهم من اول كل الالوان .. ازرق واحمر واخضر … احس اللي لونها زرقا .. امهات خمس ميه

المهم واطلع من هالمكان … واخذ صوره من بعيد …

تعبتو …!! … احسكم تعبتو … طيب ودكم ناكل لنا شي …!! ... مشينا لمطعم قريب من عندهم … شوف ..

جلست فيه …. واشوف المنيو …

ما اعجبني شي … قلت بطلع مفرحااااااااتي .. واشوف وين انا فيه من الخريطه …

هذه الخريطه حاطها على رجلي … جالس اشوف وش باقي من الاشياء الحلوه …
قلت بتمشى شوي .. واشوف انواع الاستهبال من شخصيات ديزني .. شوف معاي …

هذا احسه شرررررررير … جالس يوقع للبنات ..
بعدها مشيت شوي … لقيت شي خبااااااااال .. .. انا انبسطت عليه ..
مثل البريق كبيررررر … كل دقيقتين .. يطلع منه واحد .. ويدخل … يطلع .. ويدخل .. عاد قلت بنتظر لين يطلع وا صوره … شوفو

هههههههههههههههـ .. احسه دلـــــــــــخ …

بعدها رفعت راسي .. وطالعت يمين .. الا لقيت وحده .. بوص معايا ..

مدري وش تحس به هالبنت … مين لاعب عليها .. وقايل لها قلدي حركه تايتنك ..
المهم تركت هالمهبوله .. وقلت اكمل احسن ..

المهم وصلتي

واشوف هالعالم تصور معه .. وتستهبل

بعدها لفيت بااااااااقي الألعاب….
طبعا ديزني كبيرررررره … وصعب جدا جدا اننا نحصرها في حلقه … او حلقتين .. او حتى ثلاث …
بس حبيت اني انقل لكم شي بسيط من اللحظات الحلوه اللي عشتها هنااااااااك …
بعد ما حسيت ان الوقت بدا يتأخر … وظهري بدا يطقطق …
قلت خلااااااااااص … اليوم يكفي …
واروح ادور البوابه اللي تطلعني من القريه …

وقبل ما امشي .. … ألتفت وراي .. وصورتها صوره ودااااااااعيه …

<<< ياخذ نفس عميـــــــق
بعدها .. طلعت للمحطه القطار .. وركبت بإنتظام
وانطلقت للفندق .. اول ما وصلت .. رميت نفسي على السرير .. لأنه كانت بطاريتي مررررره تبي تفضى .. مثل وضعي الحين بالضبط. …

كيذا يا حلوين .. نكون قضينا يوم ممتع .. جدا جدا .. يوم من ايام حياتي .. في احلى مكان .. واروع مكان
اتمنى من كل قلبي .. اني وصلت لك شي بسيط .. او صوره حلوه عن هالمكان .. وانك عشت معاااااااي .. واستمتعت باللحظات اللي طافت
واتمنى .. أتمنى … انك تتابعني في الحلقه القادمه ..
وهي الحلقه الثامنه
وهي الحلقه الأخيــــــــــــــره … من حلقات تقريري عن باريس ….
كن معي .. وكن بجواري .. فأنت بداخلي

خلاص ودكم تمشون
ما ودكم بشي بسيـــــــط .. مرررررره بسيط
علشان حلقه اليوم كبيررره .. جبت لكم تورته كبيرررره

قطعوها بينكم

واذا ما عجبتك .. فيه قطعه صغيره … شوف ..


الفراوله اللي جنب الكيكه .. مررررره روعه
ان شاء الله تكون اعجبتك

اشوفكم على خير …

دمتم في أمان الله وحفظه
لكـــ …. انت بس … مو لغيركـ….
المايسترو

متنفسـ
ألقى خيالك في خيالي واضمه …
وأشوف طيفك بين رمشي وعيني ..
يمرني طاريك عجل والمه ..
من لهفتي تسبق عيوني يديني ..
مثل العبير يفوح عطرك واشمه ..
في لحظة تسوى بقايا سنيني ..
أحتاج لك حاجة وريدي لدمه ..
ترد لي روح تروح وتجيني ..
ليلة خميس

http://www.al-maistro.com

للتعليق على الموضوع او مشاهدة التعليقات الاخرى : http://www.abunawaf.com/post-6937.html

للاشتراك ضع بريدك هنا:

للمشاركة قم بإرسال مشاركتك على البريد التالي :
abunawaf@yahoogroups.com

بيتزا إرا Pizza Era
وسائط أبو نواف


اقسام الملتيميديا

العاب فلاش | ملفات | مقاطع بلوتوث | صوت | صور | فلاش | مقاطع فيديو | منوعات


مواضيع أخرى للمرسل المايـســتــرو
طريقة استخراج الفيزه البريطانية عن طريق الإنترنت
باريس .. عشقتك قبل ما شوفك .. وشفتك صرت كلي حلم (ج6)
باريس .. عشقتك قبل ما شوفك .. وشفتك صرت كلي حلم (ج5)
باريس .. عشقتك قبل ما شوفك .. وشفتك صرت كلي حلم (ج4)
باريس .. عشقتك قبل ما شوفك .. وشفتك صرت كلي حلم (ج3)


اخر عشر مواضيع ارسلت للمجموعة
صور – نهايات مأساوية وطرق غريبة
بلوتوث + صور : دشروها حسبي الله عليهم + احلى هدية
صور – عساك ماتصير ولدهم
لطيفه عطيف
صور- ارنب ضاقت به الدنيا + تواقيع ليورو 2008
باريس .. عشقتك قبل ما شوفك .. وشفتك صرت كلي حلم (ج7)
فيديو : حراثة وأبو وديع وراعي الــ BMW
صور – فورميلا 1 بصناعة حساوية
صور وتعليقات + هدية للحبايب
ارفع راسك .. انت سعودي
شبكة ابو نواف 2000-2007
قوانين الشبكةالخلاصات RSSالملف الصحفي

__._,_.___

للإشراك أو إلغاء الاشتراك أو معرفة تفاصيل إضافية عن المجموعة :
http://www.AbuNawaf.com
————————-
لإلغاء الاشتراك أرسل رسالة فارغة للبريد لتالي
AbuNawaf-unsubscribe@yahoogroups.com
وسوف تأتيك رسالة تأكيد الإلغاء قم بإعادة إرسالها
————————-
المكتبة الصوتية للقرآن الكريم
http://www.mp3quran.net
————————-
موقع رياض القرآن
http://www.ryadh-quran.net
————————-

Recent Activity

Visit Your Group

Only on Yahoo!

World of Star Wars

Meet fans, watch

videos & more.

Dog Fanatics

on Yahoo! Groups

Find people who are

crazy about dogs.

Y! Messenger

Quick file sharing

Send up to 1GB of

files in an IM.

.


__,_._,___