[AbuNawaf] سويسرا … قلت ما مثلك على الدنيا وصيف … لا حشى مالك وصوف (ج2)

شبكة أبو نواف
وسائط أبو نواف
رسائل الجوال SMS
مجموعة ابو نواف رسائل المجموعة ملتيميديا وصلات خارجية الاعضاء إحصائيات

سويسرا … قلت ما مثلك على الدنيا وصيف … لا حشى مالك وصوف (ج2)
ارسلت بواسطة العضو : المايـســتــرو بريد العضو : al.maistro@yahoo.com

للتعليق ولمشاهدة الموضوع بشكل افضل : http://www.abunawaf.com/post-7021.html


يسعد هالمسااااااااااااااااا ..
يا هلا والله ومليون غلا ..
يا هلا والله بأحبابي أنا .. أنا وبس .. ..
كيفكم .. ان شاء الله بخير وعااااااااافيه ياربــ ،،،،

شكر كبير .. كبير . كبير جدا .. لكل واحد مر من هنا … وقرأ الحلقة الأولى ،،،،
أسعدتني كثير كلماتكم .. أسعدني كثير تفاعلكم … دعواتكم .. شعوركم .. تواجدكم .. ..
ربي لا يحرمني منكم . سواء اللي أعرفهم . أو حتى اللي ما أعرفهم ..

اذا كان الواحد في باله يستغني عن كم ساعة يجلسها معكم .. أتوقع بعد هالتفاعل .. بيستغني عن يومه كله ..

اليوم يا حلويـــــــــن .. راح نكمل الحلقة الثانيه من سلسلة حلقات سفرتي لسويسرا ..
الحلقة الماضيه خذين كم لفه بسيطه على جنيف .. اليوم راح نكمل ونعيش مع بعض اليوم الثاني لي هونيك .. ( مصطفى هونيك )
قبل ما نبدا .. عارف وش طقوسنا .. ..
مفرحاتك خلها يمك .. وكثر منها اليوم . عشان في الاخير راح تعرف .. ويااااااااااا حلو كأس ثلاث أرباعه ثلج.. والببسي يسبح فيه .. ما تسمع الا . تش تش تش <<<<< صوت غازات الببسي ..

كل شي جاااااااااهز ؟ .!!! .. نبداااااااااااا .!!!
اصبر اصبر .. بالله . لو سمحت يعني .. جوالك صرفه ..
هيا بنا ،،،،

في نهايه أول أيامي في جنيف .. كنت مخطط أني أستغل ثاني يوم أكبر استغلال .. طيب كيف !!!
قلت بدور لي شركه سياحية .. أحجز عندها بكج لليوم الثاني .. ابي يوم كااااااااااامل معهم ..
قبل ما أرجع الفندق بعد غروب الشمس .. لقيت مكتب الشركة اللي أدورها ..
وحجز عندنا بكج ليوم كامل .. وهو طبعا اليوم الثاني لي في جنيف ..
اول شي .. جنيف مليااااااااااانه شركات سياحية . تحومي بك .. لكن وقع الاختيار على هالشركه ..
خلوني أتكلم عنها شوي ..

>>>>> أوف أوف أوف .. بديتو ولا علمتونااااااااااا
<<<<< لا وموسعن صدره المايسترو مروق ويكتب . كأن ماله خوياااااااا

^^
^^
ياربيه وش جابهم ..
ما عليكم منهم . خلونا نكمل
الشركة اللي حجزت فيها .. اسمها ..
Keytours
هذه شركة .. وش تسوي ؟ .. تضبط لك رحلات سياحية . لمده نص يوم . لمده يوم كامل .. يمشيك ويلف فيك أمكان معينه ..
طيب وين يوديك .. وين يجيبك ؟ .. كل هذا في الكاتلوج اللي تبع الشركة .. أو موقعهم على الانترنت ..
موقعها على الأنترنت ..

أول ما تدخل تشوف ..



طبعا الشركة لها باصات فخمه ومكيفه .. وحركتاااااااااااااات يعني ..
مثل ما انت شايف في الموقع .. معلومات كثير عن الشركه . عن الأنشطه .. واهم شي عندنا وشو ؟ .. ما أسمع .. ايه .. اهم شي جدول الرحلات ..
خلونا ناخذ مثال .. شوف معي ..

هذه بكجات مقترحة من الشركه .. يحط لك وصف بسيط عنها .. لو نختار واحد منها مثلا .. بوص معايا .. خلنا نختار وحدتن من هالبكجااااات

مثل ما انت شايف .. حاط لك عنوان البكج .. حاط لك التواريخ .. حاط لك من الى..
يعني معلومات كثيرررررررره حلوه ..
<<<<< جد ؟ ..
>>>>> أقول وخر بس .. بدينا الحركاااااااات
أنت تدخل الموقع .. وتتفرج . وتشوف اللي يناسبك .. وبرضو حاطين ملف كااااااامل لرحلات الصيف هذا . بوص كمان ..



يا عيني على هيك تنظيم .. يا عيني على هيك شركات . حاط لك الجدول .. وكل كل كل شي تحتاجه ..
طيب وين نحصلهم ؟ ..
في كل مكان تقريبا في جنيف .. انا حصلتهم في مكانين .. في كشك على البحيره ..
وفي محطه الباصات اللي برضو قريبه من البحيره ..
المهم رحت لراعي الكشك .. السلام عليكم ..
<<<<< يا نصبك نصباه اجل تسلم ..
>>>>> أخرص .. طع طع . <<< صوت كفين
المهم قلت له عطني الكاتلوج .. وجلست أتفرج على شي يناسبني لبكره .. أي أطول شي . وأحلى شي ..
وأجلس أقلب . أقلب .. أقلب .. شوي أقلب عيوني . وشوي أقلب الكاتلوج ..
ليـــــــن وصلت صفحة .. يوم جلست قلبي يقول . دردوب .. دردوب . دردوب
وش هالصفحة ..!! .. شوف معي . لالالالالالالا . لا تشوف .. بوص بس ..



البكج هذا .. ليوم واحد .. من الساعه 9 الصباح الى الساعه 6 المسا تقريب ..
يعني ما يذن المغرب .. الا انت في بيتكم ..
ليش قلبي قال دردوب .. شوف الجدول فوق ..
الجدول يتضمن زياره لمصنع الشوكولاته ..( قلبن طلع من التي شيرت بسبب الخفقان ) .. ..
انا شفت بس كلمه شوكولاته .. وأنا اقول له .. موافق . موافق مواقق .. موافق …
قال هيه هيه . وش فيك الله يصلحك .. قلت ها .. ايه ايه .. وش سالفه هالبكج . اشرح لي
<<<<< مسوي ما خق مع المصنع
>>>>> ملاحظ أنت مثلي
المهم وش هالبكج !! .. خلوني اشرحه لكم بإختصار ..
الساعه 9 ونص .. الانطلاق من جنيف ..
راح ننطلق الى مصنع الشوكولاته يبعد تقريبا ساعتين .. ندخل المصنع ونتمشى فيه
نطلع منه نروح لمصنع جبن ..
نطلع من مصنع الجبن نزور قلعه قديمه شوي .. نلف فيها ..
نطلع من المصنع .. نروح نركب قطار فلـــــــــله .. بينزلنا في مكان ثاني ..
بعد هالقطار .. نبي نروح لمكان روعه نجلس فيه ونتقهوى ونشرب الشاهي على الماشي ..
بعدها نبي نرجع لجنيف ..
هذه مختصر قلته لكم . والا الرحله أطول من هالكلام .. طيب السعر كم !! ..
السعر مثل ما أنت شايف .. 198 فرنك سويسري .. تقريبا 500 ريال .. للشخص البالغ ..
طبعا اللي ما بلغ . يروح يبلغ ويرجع .. لا لهم اسعار ثانيه ..
طبعا بعدها ما تدفع شي ابد .. كل شي الشركه تدفعها .. هذا شي الشي الثاني ..
انتم راح تلفون هالأمكان مجاااااااااااااااااانا ..
ايه ايه . انت اللي تقرا التقرير الحين .. لك ببلاش ..
راح أخليكم تلفونها حبه حبه..
بعد ما عجبني البكج .. قلت يالله . هذه بطاقه الفيزا . وأحجز لي على بكره ..
شاف البطاقه .. قال أنت الأطخم بندر .. قلت ايه ايه .. قال معليش ما عرفتك . لابس نظاره وكيذا يعني ..
قلت لا عادي . من اللي ما يعرفك .. يسوي جهل .. والعلم نور ..<<< يارب المثل صح
<<<<< ودي أصدقكـ ..
>>>>> تصدق وألا أمش ..

المهم عطيته فلوسه .. وأخذت التذكره . والأيصال .. وقال لي يالأطخم بندر( Atkham Bandar ) .. .. قال خلاص .. الوعد بكره الساعه 9 عند محطه الباصات ..
طبعا محطه الباصات قريبه جدا للفندق اللي أخذته .. فركيت كعب ..
المهم أخذت كل الأوراق اللي عطاني .. ورحت الفندق عشان اسوي نوم .. سويت نوم أليـــــــــــم .. ..
بعد ما سويت وخلصت وجا بكره .. قمت طبعا ..
<<<<< ما شاااااااااااء الله ..
>>>>> شفت عاد .. سبحان الله . ابن آدم أنسان..

اول ما سويت نوم . وقمت الصبح على الساعه 8 تقريبا .. وخلصت كل طقوسي الصباحية .. رحت للمحطه تقريبا على الساعه 9 ..
أول ما وصلت عرفت المحطه بالباص اللي عليه شعار الشركه .. بوص يا ضنايا .. <<<فتحيه



أول ما شفت الباص .. وأنا اللي أنصاه ( اي ذهبت إليه عنوه ) … وأشوف أثنين عنده لابسين لبس . برضو عليه شعار الشركة .. طبعا ما سلمت عليهم .. ليـــش .. عشان الأثنين اللي فوق . ما يقولون عني نصاب

<<<<< ايه ايه . بعدي والله . هذا اللي صادق
>>>>> الله مير يسلمك

المهم أول ما شفتهم .. وريتهم الوصل اللي أخذته أمس .. قال اوكي .. عطني أسمك .. وعطيته اسمي .. بدون كلمه ( الاطخم ) .. تخبرون يعني الواحد يتواضع على هالصبح ..
وأركب الباص . لقيتهم حاطين جوا في الباص كوفي ميكر .. آله للكوفي . وجنبها كيسان وسكر وكيذا يعني .
وأنا اللي أختار الكرسي اللي جنبها ه.. قلت أبد . لو ما يحصل من الرحلة ألا هالمكان.
انتظرنا شوي الى الساعه 9.20 دقيقه تقريبا .. يوم تجمعو كل اللي بيروحون .. كان العدد تقريبا 11 شخص .. والباص كبيررر .. يعني فالينها جوا ..
الرحلة هذه راح يكون معنا شخصين من الشركة .. واحد يشرح . والثاني يهز..
هههههههههههههـ .. لالالالا .. واحد يشرح .. والثاني يسوق بنا طبعا..
الساعه 9.30 بالضبط . بالضبط .. تحرك الباااااااااص .. ويجي أخونا المرشد السياحي . ويمسك المايك ..



ويبدا يعرف بنفسه .. وينه منه .. وينه دارسن فيه . وأمه وش ترجع له .. يعني هيك..
المهم هذا المرشد . فله . فله . فله .. وسيع صدر بشكل غير طبيعي .. أول ما ركبنا ..
قال ما ودكم نشغل ميوزك خفيفه نسوي التمارين الرياضيه .. عاد أقول في نفسي .. تسنك داري أن سابعتي تعورني .. ..
المهم هذا وش وظيفته . هذا طول الطريق . صدقوني طول الطريق وهو واقف . بس يشرح ..
أي شي نمر عليه في جنيف يشرحه .. حتى لو نمر على قطوه .. يقول هذه أمس ماكله من زباره الحي الفلاني ..
فااااااااااااااااااهم في كل شي ماش الله عليه ..
المهم كان الجو راااااااايق .. وعلى الصباح .. شوف ..



.. ..
ما تحس أبد بالطريـــــق .. الجو خونفشاري . والمناظر ترد الروح .. بقرهم يرد الروح بعد ..
أنا طبعا جنبي الكوفي .. ومعاي الأيبود .. مرات اسمع للمرشد السياحي . ومرات أسحب عليه وأخش مع أليسا
من الأمكان اللي مرينا عليها بالطريق .. وجلس يشرح عنها .. هي هذه



هذه يقول مقر الألعاب الأولمبيه ..

ويجلس يشرح عنها شوي . وأنا اقول . اها .. ايوه . ما شاء الله . كويس والله ..
بعدها مشينا شوي .. وقال نبي نوقف نشري مويه من بقاله قريبه هنا .. ونوقف .. وأخذ هاللقطه وانا بالباص …



الجو رووووووووعهـ ..
وكملنا رحلتنا .. طبعا عارفين وين رايحين ؟.. وييييين .. ما أسمع ..
<<<<< رايحين لمصنع الشوكولاته
>>>>> يا حوبي لك . شكل ما تابع ألا أنت ..

ايووووه . رايحين لمصنع الشوكولاته .. طيب .. وش قصه هالمصنع ؟؟ .. وين يقع .!!
خلوني أتكلم عنه شوي . لين يوصل راعي الباص للمصنع .. اوكي .. !!
المصنع اللي نبي نروح له هو ..



.
طبعا هالمصنع أحد شركات شركة نيستله المعروفه عالميا .. طيب . خذ لك لفه بسيطه في موقعهم ع النت ..

اول ما تدخل الموقع .. تشوف ..



المصنع هذا يا حلوين . يقع في مكان أسمه Broc .. بوص عليه في الخريطه ..



طبعا ( بروك ) مو معروفه مره . المعروفه هي قريهفيفي .. مو فيفي اللي في عسير .. لالالالالالا . فيفي في جنيف ..
اللي في عسير فيفي والا فيفا ؟؟ .. مدري بس خلونا نكمل
الموقع على الانترنت . ممكن تحجز لك موعد للزياره .. ممكن تشتري منتجاتهم ..
لأن بعض الناس يقول انا بضبط جدولي على كيفي .. بحجز واضبط اموري من النت ..
بدون أي شركات .. ممكن كل شي يصير ..
المهم ونمشي .. ونمشي . ونمشي .. وما زال قلبي يقول . دردوب . دردوب ..

<<<<< قلب ذا والا حفله دي جي ؟
>>>>> تبي تعقل والا أرجعك ؟ ..

المهم وحنا بالباص .. لقطت هاللوحه ..



مثل ما أنت شايف . لوحة أن مصنع نيستله على اليسار ..
أماااااااا لو راعي الباص ما لف يسار .. نزلت وخليتهم ..
مشينا ليـــــن وصلنا للمصنع .. طبعا أول ما وصلنا .. نزل المرشد السياحي عشان يضبط الوضع من جوا .
دخل بس خمس دقايق .. عشان يدفع رسوم الدخول . ( طبعا حنا ما ندفع شي ) ..
خمس دقايق . ألا طلع لنا . وقال الان نبي ندخل المصنع . ونلف فيه ..
أول ما نخلص .. الوعد الباص . راح يكون هذا مكانه ولا راح نحركه .. ويجلس يعد ..
1 .. 2 .. 3 .. 4 .. 5 .. 6 .. .. طبعا جالس يعدنا . يخاف يضيعنا ..
وندخل المصنع .. أول ما تدل تقابلك هاللوحه قدامك ..




شوي . ألا جتنا وحده من موظفات المصنع . قالت معكم فلانه بنت فلان . آل فلاني ..
طبعا ناسي أسمها . نسيت اصوره بالكام ..

<<<<< بالله فيه أحد يصور كلام ؟
>>>>> أصور ريحه لو تبي . فكني من شرك..



أما اللي بالنص . صح أنه اكتشف الشوكولاته .. لكن راح عمره ما ذاقها ..
كل ما جا بياكلها . نشبت في شنبه ههههههههههههههههـ ..

قالت هذولي أول من أكتشف الشوكولاته … وهم اللي طوروها ..
عاد أنا اقول في نفسي .. الله لو هذا جدي .. كان الحين بيتنا كلللللللله جالكسي وكتكات ومفرحات ..
غرف مليااااانه .. وأمشي في الشارع .. ادخل أي بقاله .. أكل منها شوكولاته ليــن أدوخ وأطلع
من غير ما أحاسب . خير بعد . جدي هو اللي مكتشفها( فيس حاط يده على خصره ويهز رجله اليمين بشويش )
المهم جلست تشرح .. وتنتقل فينا من غرفه لغرفه .. ومن جناااااااح لجناح .. وش رايكم نشوف مع بعض ؟ .. يالله يالله .
أول شي . وقفت بنا عند خياش كثااااااارين .. ( جمع كثير ).. .. شوفو



قالت هذه شوكولاته خام .. نستوردها من أماكن معينه في العالم .. طبعا شوكولاته بيضا . وشكولاته غير بيضا <<< ورط ما عرف لون الشوكولاته ..
الا الا اعرفه .. لون كاكاوي ..
شوي وتورينا غرفه ثانيه ..



هذه القوالب اللي يصبون فيها الشوكولاته .. وتطلع اشكااااااااال وألوان..
وطبعا هالمصنع .. يوزع لأماكن كثيرررررره في العالم .. شوف معاي شبكه التوزيع ..



ترى شقتي هنااااااااااك ..
بعدين مشينا شوي .. وقالت بوريكم أول مكينه شوكولاته جبناها .. قلت يالله وريني .. قالت طيب .. قالتها وهي مستحيه ..
وهذه المكينه



هذه يحطون الشوكولاته الخام في جهه . وشويه سكر من جهه ثانيه . وشويه حليب من جهه ثالثه ..
وتجلس هالاله تخلط . وتطحن .. وتخلط . وانت بس حط فمك تحت .. وبالهنا والعااااااااافيه ..
بعد هالآله .. تطورو أكثر . وجهزو مصنع كااااااااامل .. وهذه صور من المصنع ..

وهذه براميل كلها شوكولاته



.
يا زين من جاب أثنين للشقه ..
وهذه برضو



وهنا . شوف شوف شوف .



اهوووووووف . اهووووووووف . رايحه جايه الشوكولاته .
وحنا طالعين .. من هالقسم .. قالت فيه عندنا آله .. فائدتها أنها تحرك الشوكولاته ما تبرد وتجمد .. وهي في آخر مرحله من مراحل صناعه الشوكولاته .. بوص معايا .



ياربيه .. ودك بس تحط خشتك .. وتجي الشوكولاته على فمك . ولسانك .
والتيشيرت يصير له شوكولاته .. وحالتك حاله .. الله . احسه ونااااااااااااسه .

<<<<< بالله لا عاد تتخيل ..
>>>>> أنت الى الحين ما نمت
<<<<< لا معاك إلى آخر الحلقة..

بعد ما طلعنا من هالقسم .. رحنا لقسم المعروضات .. حاطين من كل صنف من اصناف الشوكولاته .
حاطين عينات منها . كل واحد يمر وياخذ له حبه او حبتين .. تبون ؟ .. نجرب ؟ .. يالله ..



..
مد يدك لا تستحي ..


وهذه برضو



..
وهذه يااااااا عليها طعم .. جواها كراميل سااااااااااايحه مع شوكولاته .. شفها ..



.
هنا صارت سالفه . صراحه ضحكنا عليها لين دخنا ..
قبل ما نوصل للقسم اللي عارضين فيه شوكولاته للتذوق .. كان معنا من نفس القروب . بزر صغير ..
يمكن عمره خمس سنوات . بس أنه دووووووووب.. كبر هالشاشه اللي قدامي مرتين ..
المهم وهي تشرح .. تقول الحين نبي ندخل الغرفه هذه . وكل واحد يتذوق طعم الشوكولاته ووووو ..
هالبزر وش سوا .. جا .. ودخل قبلنا.. من غير ما تدري اللي تشرح ..
طبعا أنا والله جالس أتابعه . لأنه بثر ..
المهم قبل ما ندخل .. قالت بنبه عن شغله .. أول ما تدخلون . راح تلاقون طاولتين كبار . وحده يمين . ووحده يسار ..
الشوكولاته اللي على اليمين . هذه فيها كحول.. والشوكولاته اللي على اليسار .. هذه ما فيها شي ..
قلنا اوكي .. يوم دخلنا .. ألا هالدوب البزر . ماسك خط مع الشوكولاته اللي على اليمين .. . وما فيه ألا قوه أكل. وأكل . بيدينه الثنتين ..
وتجيه أمه . وتلحق عليه . وتشربه مويه .. والله ياااااااااااهو سطل تسطيل ..
جالس بس أتابعه ..
تخبرون الدوب اذا جاه النوم . وراح يمشي لغرفته ؟ هههههههههههههـ .. يمشي وهو ماااااايل .. اذا حس أنه يمشي جهه اليسار . صفط الكرشه يمين . يتعدل الوضع . والعكس صحيح ههههههههههههههـ ..
يا هو وسع صدورنا ..

<<<<< ياليتك مصوره يا أخي
>>>>> ما أمداني والله

<<<<< طيب كمل
>>>>> طيب لا تدف

آخر شي في المصنع . يطلعونك على مثل السوق .. فيه كل المنتجات اللي يسويها المصنع .. بوص ..



واحد . أثنين . ثلاث .. اربعه . خمسه . سته . سبعه .. سبع صلعاااااات ..
طبعا تشتري اللي ودك .. انا قشيت منهم مؤونه سنه .. عاد ما صورتها الا هنا بالرياض . صورت الباقي طبعا ..
يالله كل واحد ياخذ شوي ..


وبعدها .. طلعنا من المصنع . قبل ما تطلع . كل واحد عطوه كوب ( هوت شوكوليت ) ..


كعربون توديع ..
رجعنا للباص .. وكل واحد جلس في مكانه .. وجا مرشد الرحلة . وجلس يعدنا وتأكد من الحضور ..
وقال هيااااااااا بنا ننطلق ..
طبعا الحين وين نبي نروح ؟ .. يالله مين متذكر من أول التقرير وين نبي نروح.. ما فيه أحد ..

<<<<< قايل لك مافيه ألا انت في هالتقرير
>>>>> مالك شغل . اطلع من دوماغي ..

ايوووووووه . كأني اسمع صوت من ورا يقول نبي نروح لقلعه Gruyeres ..
الحين نبي ننطلق لقلعه Gruyeres . المسافه بينها وبين مصنع الشوكولاته . تقريبا ساعه ..
طبعا أنا أقول لك ساعه .. بس صدقني . ما تحس بالوقت .. تقول ما أسرع وصلنا ..
بالله شوف المناظر اللي تشوفها بالطريق .



سويسرا .. ليه كل معجز مر هذا الكون فيها له صلة ..!! ..



وليه كل لامعقول فيها ورغم هذا .. تعقله .!!
جلست اصور بعض اللوحات اللي نقابلها بالطريق ..

شكلها مو واضحه .. صح ..!!! نغير شوي ..



ايووووووووه . وضحت الحين ..
القلعه هذه . مرررره رايقه .. هدوووووء . وفيها محلات قديمه . تحسك أنك في عصر الشسمه ..
أول ما وصلنا لها .. وقفنا الباص حقنا <<<< صار حقنا ..
المرشد السياحي . قال الحين ساااااااعتكم كم ؟.. قلن كيذا وكيذا .. قال يا عيني عليكم ..
خلاص . موعدنا في الباص .. الساعه كيذا .. لازم الجميع نكون في الباص . اوكي يا حلوين ؟ .. قلنا اوووووووووكي ..
طيب . خلونا ننزل .. وناخذ لنا لفه في هالقلعه .. والاشياء الحلوه اللي فيها . يالله ؟ .. يالله ننزل ؟ . يالله .
اول شي تجي تدخل من هذا الممر




ونمشي شوي قدااااااااااااااام




حتى يباااااااان لك المكان كله



.. ..
مثل ما أنت شايف .. مكان مريييييح . ورايق .. فيه محلات على اليمين واليسار .. فيه كوفيات .
فيه مطاعم سويسريه .. فيه محلات تبيع الجبنه ..
يعني تحس انك رجعت للتراث السويسري القديم .. شي روعه صراحه ..
نشوف مناظر ثانيه ..



هذولي القروب . اللي راح يتغدا . واللي راح يتمشى ..
وشوف هذه



. ..
طبعا فيه فندق .. اللي ناوي يقيل .. ويسوي شوي نوم ..
وبوص هون




طبعا رحت أتمشى في هالجو الروووووعه . والمناظر والاجواء اللي تسحرك بكل شي فيها . حتى وصلت لهذا الشي



مثل المتحف .. بس ما دخلته . صورت كم صوره خارجيه

وأنت في هالقلعه فيه مثل القطار صغيرررر .. تقدر تقص تذكره .. وتخليه يمشيك بين هالأشياء الروعه . شوف معاي



يلف فيك ويمشيك بملغ بسيط . 5 فرنك . تقريبا 17 ريال ..
وهذه صوره أخرى له ..



طالعو الصوره اللي فوق .. وانا اصوره . شفت هالبنوته اللي ع اليسار .. مررررررررره كيوت.
شافتني اصور . قلت لها تعالي تعالي ..

<<<<< والله ولقيت لك احد تعضضه ..
>>>>> شفت عااااااااااد

المهم شوي وتجي . يا حوبي لها ..
وأكلمها بالأنجليزي . ما فهمت شي .. ردت علي بكلام الظاهر .. الظاهر .. أنه ألماني ..
بس اللي ان شاء الله واثق منه . أنه كلامن زين . لاهوب سبه ولا شي . لأنها كانت تضحك ..
المهم جلست يمي . وكان فيه كلب صغيرررر مربوط .. مدري من ربطه وانحاش .. جلست تلعب معاه .



وهذه



..
طبعا كان في مشروع عضه .. لكن صعبه تصيح في هالجو . حراااااااااام .
بعد كيذا .. لقيت مكان روووووعه في أعلى القلعه .. قلت راقيه راقيه .. خلاص مسكت . وهي اذا مسكت مسكت ..
مكان تروح فيه لحالك . تجلس فيه بروحك . تسرح بعـيد . بعيد هنااااااااااك .
شوف .



.. ..
وهذه من فووووووووووووووق



..
بعدها لمحت عيني هالمشهد . أرغمني على أني أجلس.. في أعلى القلعه .. حطيت شنطتي .. وتربعت في الارض . وجلست قدام هالمنظر ..



وصار لسان حالي يقول .!!!

ليه عمري مالقى البرد له دفى .. إلا دفاكي ..!!
ليه أنا عيني تشوف .. وماتشوف إلا بهاكي ..!!
يا أجمل من الأخيلة ..
هاذي جواب الأسئلة ..
كي تكوني يا سويسرااااااا ..
في عيوني . ومن حنيني . وبس فيني ..ومو بدوني ..
مذهلة ..


جلست تقريبا 40 دقيقه .. حتى أنه ما خلاني أقوم الا موعد رجوعنا .
أقوم أول شي من جلستي . وأقوم ثاني شي من سرحاني ..
بعدها رجعنا للباص .. وقبل ما أركب الباص . ألتفت على القلعه . آخر ألتفاته .. وصورت هالصوره ..




كانت وداعيه . لمكان أرتحت فيه كثيرررر ..
المهم .. رجعنا الباص .. ويشتغل المرشد عد .. واحد . اثنين . ثلاثه .. ..
عشان يعدنا ما نسينا أحد ..
أنا ما همني أحد .. ألا واااااااااااااااحد .. منهو ؟ .. البزر الدوب اللي أكل من مصنع الشوكولاته ..
قلت لا يتهور ويروح يرمي نفسه من اعلى القلعه .. عاد اللي يعين البقر اللي بيستقبله تحت .. ..
طيب .. الحين ركبنا الباص . قال المرشد . الحين نبي نروح لمحطه قطارات .. نبي ننزل فيها . وبالقطار نبي نطلع لمكان حلو كثير .
عشان نبي نزور شي رووووووووووعه هناك .. ونخلي الباص يلحقنا ..
لأن لو نروح بالباص لهالمكان . نبي نتأخر .. وغير كيذا .. شي من التغير . أنكم تركبون القطار ..
خلو كل أغراضكم الغير مهمه فوق مقاعدكم .. عشانه بيقابلنا هناك .. هااااااااا وش رايكم ؟.
قلنا قدااااااااااااااااااااااااام ..ى

<<<<< كالعاده قلتها بعد بالسويسري ؟
>>>>> افا عليك بس ..

المهم وحنا في الباص .. رايحين لمحطه القطارات . وزع علينا تذاكر القطار .. جااااااااهزه معه من الصبح .. وهذه هي



اهم شي الجنز
قال كل واحد يخليها في جيبه .. عشان اذا وصلنا للقطار .. ما تدفعون فلوس .. هذه تذاكركم معكم ..
وصلنا للمحطه ..

ونزلنا من الباص . وتحرك الباص وقال الوعد هناااااااااك ..
أول ما وصلنا المحطه . كان القطار الخاص فينا ما وصل . فجلسنا ننتظر شوي .. وصورت كم صوره .



وهذه



يفرق طعم هذه عن الحصى حول بحيره جنيف ..
وبرضو هذه .




مثلي اوقفت تلمس جروحي وحيرتي ..
بعيده اوقفت . وانا بعيد بلهفتي ..
ماحد عرف اللي حصل ..
وماحد لمس مثل الامل ..
كل ابتسامه مهاجره جات . رجعت لشفتي ..
وكل الدروب الضايعه مني . تنادي خطوتي ..
ويارحلة الغربه . وداااااااااعا رحلتي ..

انتظرنا شوي .. حتى وصلنا القطار .. وركبناااااااااااا القطاااااااار ..
نبي نروح لمكان روعه روعه روعه ..
احسك . احسك . احسك تعبت. صح ؟ ..
طيب يا حلو . ما راح اتعبك أكثر اليوم ..
نوقف هنا .. اووووكي . نوقف هنا .. بس تعال . بشرط ..
الحلقة الثالثه لازم تكمل معنا .. عشان نعرف وين بيودينا هالقطار ..
وايش الاشياء الروعه اللي راح نشوفها .. اوووووكي ؟ . اتفقنا خلاص ؟.. يا عيني عليك ..

إلى هنا يا حلوين .. نكون وصلنا لنهايه الحلقة الثانيه ..
حاولت بقدر المستطاع .. أني أخذك معي .. وأوصل لك شي من اللي عشته ..
أتمنى من كل قلبي . من كل روحي .. أن هالوقت اللي قرأت فيه التقرير .. تكون الابتسامه أنرسمت على شفايفك ..
تكون الفرحه دخلت ولو بجزء بسيط بداخلك .. لأن هذا الشعور . والله هو المقصد من كل اللي تشوفه ..

طيب تبي تمشي كيذا على طول ..!!
يعني ما فيه شي يبرد على قليبك ولا شي .
ما راح نكثر اليوم . شي بسيط آآآآآآآآآآآآآآآآآآآد كيذا ..
<<<<< خلاص هاته
>>>>> ايه ايه هاته بسرعه

^^
^^
يووووووووه . انتم الى الحين هنا .. وخرو ما جبت لكم شي ..
هات ملعقتك .. وطبعا ببسيك جنبك .. وخذ ..


بالعافيه على قليبكـ ..

اشوفكم على خير ..
دمتم في أمان الله وحفظه ..
دمتم بكاااامل عافيتكمــ ،،،
و .. و .. وطبعا ..
لكــ
ـ .. انت بس .. مو لغيركـ .
المايسترو ،،،

WwW.Al-Maistro.com

متنفســـ

هي صرخة تمردت فوق الأصواتـ ..
أو ونة وسـط الضماير خفـية ..

أو عبرة تعـلقت بـين نظرات ..
أو الدموع اللي تسابق هميـه ..

أعاني الساعة و أعاني مسافات ..
و أعاني رياح الزمان العتية ..

و أصور معاناتي حروف وأبيات ..
يلقى بها راعي الولع جاذبية ..

و لاني بندمان على كل ما فـات ..
أخذت من حلو الزمان و رديـه ..

هذي حياتي عشتها كيف مـا جات ..
آخذ من أيامي و أرد العطيـة ..

للتعليق على الموضوع او مشاهدة التعليقات الاخرى : http://www.abunawaf.com/post-7021.html

للاشتراك ضع بريدك هنا:

للمشاركة قم بإرسال مشاركتك على البريد التالي :
abunawaf@yahoogroups.com

بيتزا إرا Pizza Era
أهل القرآن


اقسام الملتيميديا

العاب فلاش | ملفات | مقاطع بلوتوث | صوت | صور | فلاش | مقاطع فيديو | منوعات


مواضيع أخرى للمرسل المايـســتــرو
سويسرا … قلت ما مثلك على الدنيا وصيف … لا حشى مالك وصوف (ج1)
باريس .. عشقتك قبل ما شوفك .. وشفتك صرت كلي حلم (الاخيرة)
باريس .. عشقتك قبل ما شوفك .. وشفتك صرت كلي حلم (ج7)
طريقة استخراج الفيزه البريطانية عن طريق الإنترنت
باريس .. عشقتك قبل ما شوفك .. وشفتك صرت كلي حلم (ج6)


اخر عشر مواضيع ارسلت للمجموعة
صور – ابتكارات وقرابيع ج9
برامج – اليوم العالمي لتحميل الفايرفوكس3 Firefox
سويسرا … قلت ما مثلك على الدنيا وصيف … لا حشى مالك وصوف (ج2)
لمن لا يعمل .. هل جربت العمل بالمجان ؟
تصوير – بوح عدستي
قصيدة – لميس سنوات الضياع
جديد التقنية في أسبوع : Nokia E71 مطلق السراح – ريم – ب أول إنسان آلي منتج في الإمارات
المجموعة الثالثة والرابعة من صور المصاحف + خطوط عربية + خلفيات إنجليزية
أعطني 1000 ساعة… أعطيك عالما !!
مقال : جده غير
شبكة ابو نواف 2000-2007
قوانين الشبكةالخلاصات RSSالملف الصحفي

__._,_.___

للإشراك أو إلغاء الاشتراك أو معرفة تفاصيل إضافية عن المجموعة :
http://www.AbuNawaf.com
————————-
لإلغاء الاشتراك أرسل رسالة فارغة للبريد لتالي
AbuNawaf-unsubscribe@yahoogroups.com
وسوف تأتيك رسالة تأكيد الإلغاء قم بإعادة إرسالها
————————-
المكتبة الصوتية للقرآن الكريم
http://www.mp3quran.net
————————-
موقع رياض القرآن
http://www.ryadh-quran.net
————————-
رسول الله
http://www.rasoulallah.net/
————————-
MARKETPLACE
You rock! Blockbuster wants to give you a complimentary trial of Blockbuster Total Access. <!– var title = ‘TITLE’; try { if (title == unescape(‘%u0054%u0049%u0054%u004C%u0045’) && document.title) title = document.title; var https = false; try {https = document.location.href.indexOf(‘https’)==0}catch(e){} document.write(‘‘); } catch(e){} //–>

Recent Activity

Visit Your Group

Y! Entertainment

World of Star Wars

Rediscover the force.

Explore now.

Moderator Central

Get answers to

your questions about

running Y! Groups.

Popular Y! Groups

Is your group one?

Check it out and

see.

.


__,_._,___