[AbuNawaf] هذا اللي يسمونه ( ضبّ ) ! + صور مهوب زينه.. والمزيد

شبكة أبو نواف
وسائط أبو نواف
رسائل الجوال SMS
مجموعة ابو نواف رسائل المجموعة ملتيميديا وصلات خارجية الاعضاء إحصائيات

هذا اللي يسمونه ( ضبّ ) ! + صور مهوب زينه.. والمزيد
ارسلت بواسطة العضو : مدمن شاهي بريد العضو : samio_404@hotmail.com

للتعليق ولمشاهدة الموضوع بشكل افضل : http://www.abunawaf.com/post-7035.html

مرحبا
اولاً : السلام عليكو
رابعاً : والله انه طاقني الحيا منكم .. مدري شلون انزّل موضوع بعد هالانقطاع اللي ماله سنع ابد .. ياني شفتزن عليكم بس هالدنيا تاخذ الواحد وتنطله مع شطّ البحر .. بعدين ياجماعة وش سالفة هالإكتتابات ..مير كل يوم منزّلين لنا اكتتاب .. المشكلة زحمة وبهذله بالبنوك ومن ينزل خبر الاكتتاب وانا نقعد نحسب ونجمع وننقص ونقروش ابو الحسابات وآخر شي يعطوننا سهمين وربع .. وش ذا الحاله .. طيب هماهم يقولون اننا يمكن نصير بيوم من الايام تجار ويصير لكل مواطن بيت وسوّاق اندنوسي .. امحق حاله

سابعاً .. للي قضوا من اختباراتهم نبارك لهم ” العطاله المبتسره ” ونحن السابقون وأنتم اللاحقون << هالحتسي طالعن منه سهم ومتوجّهن للي متخرّجين من الثانوية .. وترى العطلة ياجماعة مهوب شينتن ابد . سافروا لكل متسان ولاتخلون ديرة لاتروحون لها وادعموا السياحة الداخلية ولاتروحون لبرا وحطّوا دراهمكم دعماً للسروقين هل الشقق المفروشة بالمناطق السياحية والا يهونون هل الشاليهات والمنتزهات .

هالمرّة مابي حيل اكتب موضوع .. كل مافركت راسي ابي احتسي عجزت .. الوكاد اني قلت لزوم هالمرّه ننوّع بالكشنه ونخلي الدعوه سرديحي ونحط لنا كم صورة وراس المال اننا نشوفكم ونسلّم عليكم

( 3 ) خلطات متنوّعه .. اولها تجيب الطواعين وصورها ماتصلح للحريم والثانية تجيب الحكّه والثالثة تجيب للواحد الهمّ من بعض العِسكران

.

نبدا بشالوخنا الاول

هذا اللي يسمونه ( ضبّ ) !
الله من واحد بتحوم تسبده وبتقلب ستمية مليون مرّه عشان هالصور … بس تراي باحط إنذار كبر طويق ان اللي نفسه ” مُشْ ولابُد ” .. لاينزل تحت ويحاول يروح لموقع ترافيان ترى عندهم هناك لعبتن مهوب صاحية
هذا اللي يمسونه ( ضبّ ) !

شف ساعته بس واغسل يدك .. واضح انه فايز في مسابقة ” عصير سن توب ”

يطالع في جنط .. يقول : آلحين وراك تكتب عن الحمل والتسقيط والولادة وشغلات الحريم وانت توّك بشحمتك مابعد اعرست

حدّه حدّه

طيب وخّر شوي برقى على ظهرك .. ودي اظهر قبل يبطحوني في بسطة ام ناصر بسوق الحمام

ياخي همانا قايلن ممنوع الخنق

آلحين وراه يقطّع بسكين خضره هالدثوي

احسن شي ” مرقة الضبّ ” .. زينه للمنادغ

يالبّى العكره

.

.
(( شالوخنا الثاني ))

قرّب .. قرّب .. لاتخاف .. ترى راس ماله صغير ومهوب عايق معي !

أحد قد شاف منظر مخيس وأوجعه بطنه


طيب .. قد أحد قد شاف كم صورة .. وبحركة لا إرادية قام يحكحك لسانه باسنانه
طيب شسمه .. قد شفتوا واحد ماخذ شهادة الطب من محل بنشر ؟

طيب تخيّل ياشاب وأنتي ياحرمه .. ان الواحد منكم مرّ بشارع وش كبره .. الناس عليه رايحه جايه .. وفجأه تشوف لك واحد فاتحن شنطته ” ام رقوم “ .. وعارضن بضاعته وقدّامه واحدن فاتحن فمه ” متر في متر “

هاتوا تحت شويّا وتابعوا الوضع

يالبى العيون القمحية ياشيخ .. مهوب كنّ نظرته تفتن ياجماعة ؟

أح أح

يتنقّى الزين آلحين هو وراسه

امش يادكتور زمانك .. لاتفوتكم عيون الوجعان بس .. طاقته ام الركب

ماعاد استحمل

وقسم بالله ان هالدكتور اطلق من الدكتور أيمن اللي بمستشفى الحبيب .. حتى الدكتور أيمن مايقدر يسوي الحركة هذي حقت الفم .. اتحداه يسويها

طيب ترى ابي خشمي طال عمرك

حركة يالمراية

الدكتور شكله مارتاح للدراهم . حاسّن انها مزوّره

عقبال افرد بسطتي واجيبك ياجنط واسمكر اسنانك هالخايبه


.

.
(( شالوخنا الماخوذ الاخير ))
( عيضة ) في خدمة الشعب !

عيضه .. جندي في المرور .. اسحن واحد في الدنيا هو ثم راشد ولد خالتي


عيضه هذا ياجماعة .. كانت أُمنيته من صغر سنّه .. انه يصير ضابط في الشرطة .. بس ربي ” عرف قدره ” وصار ( جندي طرطور وسلتوح من الدرجة الفاخرة )


طبعاً عيضه هذا صار اسحن واحد لأنه بارّ في أمّه ومايدخّن ويرجع للبيت بدري واذا بغى ياكل البطاطس حق التسالي ( أبو ريال ) ماينطل عود الاسنان وياكل بيده .. لا ماشالله عليه .. ياكل بالعود ويسّمي قبل ياكل ويعطي اخوانه الصغار حبّة بطاطسه اذا قالوا له ( عيضه هبلي واحد بطاطس )

عيضه قبل أيام جاب له مُصيبة .. خدمتن للشعب والحكومة وحفاظاً على السيارة الرسمية اللي يداوم عليها .

حوّلوا تحت وشوفوا كيف عيضه مسوّي


.
.
.
وعلى الصباح الباكر



الله ياخذك ياعيضة .. قل آمين

وفمان الله يالبردقان

( )

منتديات كواليس


للتعليق على الموضوع او مشاهدة التعليقات الاخرى : http://www.abunawaf.com/post-7035.html

للاشتراك ضع بريدك هنا:

للمشاركة قم بإرسال مشاركتك على البريد التالي :
abunawaf@yahoogroups.com

بيتزا إرا Pizza Era
أهل القرآن


اقسام الملتيميديا

العاب فلاش | ملفات | مقاطع بلوتوث | صوت | صور | فلاش | مقاطع فيديو | منوعات


مواضيع أخرى للمرسل مدمن شاهي
أحلامها الوردية ..راحت هدر .. والدمع مشراق من صباح الخميس !
على رصيف معرض الكِتاب .. نزلت قشي وكتبت لي حرفين !
خذوا شهاداتي ، خذوا سويّر من حياتي وأعطوني ( دكتور اسنان صاحي )
ياأُستاذ كُتكُت .. تعليمنا راح فيها !
كانت لابسه ! ، الموضوع برعاية مناديل مشّ خشمك


اخر عشر مواضيع ارسلت للمجموعة
بلوتوث + صور : صوروها وهي ماتدري .. دربن دربن
شرح : نظام تشغيل الماك ليوبرد
الخال أوباما … في مهب الريح !! ج2
سويسرا … قلت ما مثلك على الدنيا وصيف … لا حشى مالك وصوف (ج3)
بوح العدسة (2) – صور من أجمل ما التقطته عدستي‏
فيديو : الدبشة + اطول قفزة + حريق ثلاث شاحنات
هذا اللي يسمونه ( ضبّ ) ! + صور مهوب زينه.. والمزيد
طفولة غابرة
جديد التقنية في أسبوع : نوكيا تشتري سيمبيان و تنافس الآي فون
غرائب عجائب + صور من عدستي الرقميه Nikon D80 ج2
شبكة ابو نواف 2000-2007
قوانين الشبكةالخلاصات RSSالملف الصحفي

__._,_.___

للإشراك أو إلغاء الاشتراك أو معرفة تفاصيل إضافية عن المجموعة :
http://www.AbuNawaf.com
————————-
لإلغاء الاشتراك أرسل رسالة فارغة للبريد لتالي
AbuNawaf-unsubscribe@yahoogroups.com
وسوف تأتيك رسالة تأكيد الإلغاء قم بإعادة إرسالها
————————-
المكتبة الصوتية للقرآن الكريم
http://www.mp3quran.net
————————-
موقع رياض القرآن
http://www.ryadh-quran.net
————————-
رسول الله
http://www.rasoulallah.net/
————————-

Recent Activity

Visit Your Group

Only on Yahoo!

Star Wars galaxy

Create a profile

and meet fans.

Dog Groups

on Yahoo! Groups

discuss everything

related to dogs.

All-Bran

Day 10 Club

on Yahoo! Groups

Feel better with fiber.

.


__,_._,___