[AbuNawaf] الاجازة = نعمه

شبكة أبو نواف
وسائط أبو نواف
رسائل الجوال SMS
مجموعة ابو نواف رسائل المجموعة ملتيميديا وصلات خارجية الاعضاء إحصائيات

الاجازة = نعمه
ارسلت بواسطة العضو : MaxiMa ksa بريد العضو : fa7an@hotmail.com

للتعليق ولمشاهدة الموضوع بشكل افضل : http://www.abunawaf.com/post-7104.html

السلام عليكم ورحمة الله وبركاته
كيف الحال مبروك للناجحين
عقبال الراسبين

والله يعين الي بيدرسون بالصيف
على طاري الصيف الحين الكل بينبسط من ذي الاجازة اول شهر وبعدين بيجيك يتشكى ويقول ليت الدراسه تعود يوما وان جت الدراسه قال ليت الاجازة تعود يوما
وعلى هالموال يالليل ياعيني ياليل
وبما انا في بدايه الاجازة انا اقول لكم

للشباب
عزيزي الشاب عندي لك بعض النصايح الي ممكن تستفيد منها ( ايه هين ) ؟
خل عنك السهر الي مال امه داعي : بعض الشباب الله يهديهم تقول خفاش ينام بالنهار ويسهر بالليل وينسى ان وراه صلاه وواجبات اهرى يسويها بالحياه فتلقاه
يجمع صلاه العصر مع صلاة المغرب والعشاء يصليهامع الفجر كل ذا عشانه سهران مو مشكله اسهر بس لاتنسى ترتيب واوقات صلواتك
انتبه من سهر الاستراحات : بعض الشباب الله يهديهم يطفي ملل الاجازه بالسهر بالاستراحات وكلن حسب ميوله السهريه البعهض سهران على جلسة عود والبعض يسهر على سهره وتحد بلوت والبعض على طقطقة السوامري والاخبتيات والشكشكات والبعض على البلاي ستشين والبعض يخطط لسرقه ما …و..و الكثير الكثير من مفاجات الصيف بس الي ابي ا اوصل له هو الاتزان بين الاصحاب في هذه الاماكن لان البعض من الي ذكرته ربما يجرك لشي ثاني فلا داعي لدخول بالعميق خوفا من الرقابه
تجنب من تحديات التفحيط الخرابيط : بعض الشباب الله يصلحه لا راعي سفرات ولا هالحركات الي ذكرنها فوق بل حق قومات وتفحيط وهو على باله احسن من الي يستخدم مخدرات ولا يسهر بالاستراحات لا بالعكس خطاك من خطاهم لانك كذا انت تعرض نفسك للخطر مباشره …يعني شي ممنوع بالديره اكيد انه من صالحي …تلقى البعض يحتري الظلمه تجي عشان يبتدي الاستعراض والبعض ينتظر الفجر يطلع عشان يبتدي بصلخ الكفرات على الارض ..وهذا الشي ما يصير كذا تضر سيارتك وتضر نفسك
لا تدعي انك بتروح العمره وانت لاف لديره ثانيه : بعض العيال عندنا وده يروح ديره قريبه عشان يشوف الحركات الي عندهم وبعض وده يركب طياره دوليه فتلقى الولد ينصب على امه وابوه و يقول لهم رايح العمره وهو معزم على انه يروح لديره من ذيك الديار …شف التشبيه تشبه باحلى رحلات العمر بسفره تافهه حتى لو الغرض منها التمشيه الخطأ خطأ ..
لاتخلي النت عاده سيئه : البعض من الشباب يتخذ الصيف لتعارف وللابتداء بعلاقه جديده مع البنيات فتلقاه بعضهم بالشات وبالمنتديات تعرف على بنات خلق الله ياخي هذه النعمه الي رزقنا ربي وهي الشبكه العنكبوتيه
كيف تخليها شي ساذج وسخيف وذلك بدخولك على المواقع الخالعه والدردشات الفاشله والاهم هو من النيه لان لكل امرئ ما نوى
خل عنك الفرفره والمغازل : البعض يروح لك بهالاسواق تقول دوريه والله لو انه دوريه ما راح للسوق فتلقاه فراره وتحرش يا بهالهنود المساكين ولا البنقاليه الملاعين ولا في بنات حواء الناعمين
هذه بعض الصور للشباب الي الاغلب يسويها
وانا عندي لهم بعض الافكار الي ممكن تنفعهم
الاجازه من حق اي موظف طالب عامل ربة بيت لانها تعمل تحديث للجسم وتخلي الواحد يراجع نفسه بالفتره الي راحت
والامر هذا خاصه للطلبه
الحمدلله الاجازة طويله وبإمكانك ان تستغلها بما هو مفيد
مثلا : زيارة الاهل لاتنسى ان صله الرحم واجبه على الكل ومنها تتقرب للاهل والاصدقاء
==========
قم بالواجب في المناسبات بعض الشباب ماشي على هالمثل من حضر واحد كفى عن الغايبين ( مادري هذا هو ولا انا مضيع ) المهم حضور المناسبات على الاقل
تخليك تكسب شي من الحياه منها كيفيه الانسجام مع الشيبان ..الاندماج بالمواضيع السياسيه ( مو القويه السياسه الخفيفه )
==========
تقرب اكثر من اهلك : بتقولي كيف اطلع مع اهلك للكورنيش للديار الي فيها بحور ولا شاركهم بطلعه باستراحه ولا اعزم اهلك على مطعيم على قد دراهمك ولا سوا لهم
شي من الشوي يادجاج يا سمك شريحه من اللحم ( جالس يكتب ويطالع مجد للاطفال ) هذهالامور تقرب الواحد لاهله ولخواته وحتىالام تنبسط لشافت ولدها
جالس ليوم واحد بالبيت ومعهم
==========
شارك بمهرجانات السيارت مثلا قالفله الخير الي يقام بالشرقيه وفيه يتم استعراض بعض السيارات الي تلقب ( بالعبث )احسن لك من التفحيط العشوائي ولا شارك
بالراليات التي تقام بجده او حائل يابعد حيي
==========
خش لك دوره …صح خش لك دوره انقلش ولا سباحه منها تفيد وتستفيد لان الاجازة طويله واهم شي انك تستفيد من الاجازة ولو جزء بسيط
==========
لا تنسى العمره ..ان الله قدرك رح عمره لانه العمره بالاجازة وبغير الاجازة عباده حلوه
===========
فكر بمواضيع حلوه …شارك بالنت بالمنتديات المفيده وفكره لك بمواضيع حلوه احسن لك من المنقول الي يخليك تمل من النت وكتابة المواضيع تلهيك عن
الدردشات التافهه
==========
نظم وقت بين السهر والنوم لان لاتنسى ان الاجازة مو دائمه بيرجع لك الدوام والحركات والشغل والمشغله فانصحك انك ما تغيرك عادة النوم الطبيعي وتعتمد على عاده النوم الخفاشي
============
هذا الي قدرنا ننقله لكم ولهل وعسى تستفيد من هالنصحايح وعساه تكون خفيفه عليكم يا شباب
ولا ننسى حديث الرسول صلى الله عليه وسلم ..نعمتان مغبون فيهما كثير من الناس الصحه والفارغ
والدور باقي على البنات بالجزء الثاني من الموضوع


للتعليق على الموضوع او مشاهدة التعليقات الاخرى : http://www.abunawaf.com/post-7104.html

للاشتراك ضع بريدك هنا:

للمشاركة قم بإرسال مشاركتك على البريد التالي :
abunawaf@yahoogroups.com

بيتزا إرا Pizza Era
أهل القرآن


اقسام الملتيميديا

العاب فلاش | ملفات | مقاطع بلوتوث | صوت | صور | فلاش | مقاطع فيديو | منوعات


مواضيع أخرى للمرسل MaxiMa ksa
شيء في صدري
شحاذه 2007
من النادر جدا


اخر عشر مواضيع ارسلت للمجموعة
صور : تدخل وتلقى هالضيف في بيتك
بثر وابو لمبه وحمود السبهه
تصوير : ارقص ياراحله
[ خلفيات ] – من تصميمي
|. استقالتي .|
الاجازة = نعمه
حين تشعر الدبلوماسية بالقلق !
صور : جالس يهاوش ولا يضحك
أخبار خفيفة وطريفة : نيوزيلندا تلاحق مروجي التشيبس
خدّوج & عبيروهـ
شبكة ابو نواف 2000-2007
قوانين الشبكةالخلاصات RSSالملف الصحفي

__._,_.___

للإشراك أو إلغاء الاشتراك أو معرفة تفاصيل إضافية عن المجموعة :
http://www.AbuNawaf.com
————————-
لإلغاء الاشتراك أرسل رسالة فارغة للبريد لتالي
AbuNawaf-unsubscribe@yahoogroups.com
وسوف تأتيك رسالة تأكيد الإلغاء قم بإعادة إرسالها
————————-
المكتبة الصوتية للقرآن الكريم
http://www.mp3quran.net
————————-
موقع رياض القرآن
http://www.ryadh-quran.net
————————-
رسول الله
http://www.rasoulallah.net/
————————-
MARKETPLACE

Yahoo! Groups users, check out this limited time offer from Blockbuster! Rent DVDs free for a month!

Recent Activity

Visit Your Group

Only on Yahoo!

Star Wars galaxy

Create a profile

and meet fans.

Y! Messenger

PC-to-PC calls

Call your friends

worldwide – free!

Yahoo! Groups

Come check out

featured healthy living

groups on Yahoo!

.


__,_._,___