[AbuNawaf] صور : كامبردج العظيمة في بريطانيا العظمى

شبكة أبو نواف
وسائط أبو نواف
رسائل الجوال SMS
\"\"
مجموعة ابو نواف رسائل المجموعة ملتيميديا وصلات خارجية الاعضاء إحصائيات

صور : كامبردج العظيمة في بريطانيا العظمى
ارسلت بواسطة العضو : MrSaL بريد العضو : algomer@hotmail.com

للتعليق ولمشاهدة الموضوع بشكل افضل : http://www.abunawaf.com/post-7137.html

السلام عليكم ورحمة الله وبركاته

صباح الخير او مساء الخير للجميع في احلى قروب ” قروب ابو نواف ” الجميل
بصراحة هذي ماهي اول مرة اشارك في القروب واعتذر للجميع عن الانقطاع الكبير
لكن ان شاء الله يكون ايميل اليوم مرضي للجميع ومفيد للي يبغى يدرس في احدى الجامعات العريقة والكثيرة في مدينة كامبردج في بريطانيا العظمي
صراحة ماراح اتكلم كثير عن كامبردج لانها اشهر مدينة بعد لندن في بريطانيا لمكانتها العلمية والعملية
وعلشان مانكثر لا كلام ولا بعض المعلومات اللي تكون معروفة لاكثر الاعضاء .. ندخل في صور المدينة وبعض اشهر معالم لها
” نقول بسم الله وندخل في العميق”
طبعاً لجميع الطلاب اللي حابين يدرسون في بريطانيا وكامبردج بالتحديد ” مع العلم يمكن يكون في بعض المدن نفس الطريقة ” ومدة الدراسة
اكثر من 6 شهور لازم يمرون على مركز الشرطة في مدينة كامبردج اللي هو على امتداد طريق الميل رود بتجاه الشرق وتسجيل كامل
معلوماتهم وتحديد مكان السكن بالضبط في المدينة وذلك لإغراض امنية واعتقد ان بعض الدول في العالم تطبق نفس الحالة

صورة لمركز الشرطة في امتداد الميل رود

وهذه صورة اخرى للمركز من داخل الحديقة العامة المقابلة للمركز واللي فيها يكون اكثر تجمع للسكان في يوم السبت والاحد

يعني نوع من انواع الترفيه والراحة وانصح ان تكون لك زيارة لها


وهذه احدى الجامعات المشهور في كامبردج وتعد من افضل الجامعات ال 10 في المدينة

لكن سمعت اخبار عنها انها ماهي معتمدة عندنا في التعليم العالي .. هذه وكالة يقولون والله العالم


طبعا مقابل الجامعة بتكون الساحة الكبيرة واللي تسمى الموقف الكبير وطبعا مكان مناسب للجلوس قبل الغروب

ومنها طلعت بجموعة صور جميلة تصلح تكون خلفية

و

و

ولمحبي التسوق .. فيه في السيتي سنتر مجمع كبير وجنبه اسواق عالميه من المعروفه لدينا

طبعا ادخل بفلوسك ولا تنسى تطلع من دونها .. طبعا ادخل واشتر واطلع مفلس كالعادة

وهذي كم صورة من داخل السوق علشان تتعرفون عليه اكثر واكثر .. بس ترى ما اعرف راعيه عشان اسوي له دعاية🙂

وهذا افضل كافي في السوق .. طبعاً في الدور الثاني موجود ستار بكس بس انا ما انصح فيه اذا كنت بتدخل السوق

اول شي عشان الاسعار عنده فوق فوق .. وثاني شي زحمة ولا فيه اماكن جلوس .. اما هنا .. تجلس تحت الدرج ومكان متعوب عليه

وطبعا للاخوان اللي بيطولون في المدينة اكيد يبغون لهم كرت شحن ” يعني سوا ” ورقم وهذه الشركة الموجودة في المدينة

سعرها جيد والخدمة حلوة مش بطالة وطبعا هي اقوى شبكة في المدينة

وهذا سوق الخضار والفواكه والورود وكل شي .. يعني بس انت دور وتحصل اللي تبغاه

وبعد سوق الخضار بيكون مقابلها احدى الكنائس المشهور في كامبردج وتقام فيها كل يوم احد عرس لاحد سكان المدينة

وهذه صورة لاقرب مكان للكنيسة

والمهم في الصور هذه كلها .. اكيد بتكون جامعة كامبردج واللي حاولت اني اقرب منها والتقط لها صور

من جميع النواحي الممكنة وطبعاُ على ماسمعت وشفت انه ما احد يقدر يقرب من الجامعة الا

المصرح له او الطلاب واعضاء الجامعة طبعاً هذا كان يوم احد والناس كانت مجتمعة علشان تصور الصرح العظيم

وهذه احدى توابع الجامعة من الجهة الشرقية واعتقد انها لمحاضرات مناقشة رسالة الدكتوراة على مانقل لي احد سكان المدينة

وهذه صورة تقريبية للجامعة ..

وايضاٌ

وايضاُ

وطبعاُ لوجود بعض الاماكن المحظورة ماقدرت اخش اكثر من كذا

طبعاً بعد الجامعة والكنائس المنتثرة حول الجامعة وبالضبط في الجهة الخلفية للجامعة

هناك فيه نهر جميل تقدر تاخذ قارب وتتمشى فيه ب 3 باوند للساعة وطبعا انا انصح مرتادين النهر ان يستغلوا الفكرة

وهذا صورة للنهر من خلف الجامعة بالضبط

وهذا الطريق يمشيك الى اكثر الكنائس ويطلعك على النهر وعلى الجهة الغربية من الجامعة

وهذا مطعم ايطالي ممتاز جدا وهو قبال مجمع الجرافتون على اليمين ويقدم اكلات ممتازة وانصح به

وعلى كلام ابو عمر .. اذا فات الفوت ماينفع الصوت

وطبعا اكيد بعد الاكل ودكم في سينما ؟ هذا سينما الفيو في مجمع الجرافتون

وفي الاخير هذا المسجد الوحيد اللي شفته في كامبردج نصلي فيه كل الفروض

وفيه جماعة من الاخوان المسلمين يقدمون المساعدة للجميع على حساب الامكانية

“مسجد ابو بكر الصديق رضي الله عنه”

في النهاية يا اخوان .. اسال الله عزوجل ان يوفقني ويوفق اخواني المسلمين في جميع انحاء العالم
على تقديم مايحبه ويرضاه ..
شكرا لكم والى اللقاء في وقت قريب ان شاء الله
” لاتنسوني من دعائكم “

اخوكم .. MrSaL


للتعليق على الموضوع او مشاهدة التعليقات الاخرى : http://www.abunawaf.com/post-7137.html

للاشتراك ضع بريدك هنا:

للمشاركة قم بإرسال مشاركتك على البريد التالي :
abunawaf@yahoogroups.com

بيتزا إرا Pizza Era
وسائط أبو نواف


اقسام الملتيميديا

العاب فلاش | ملفات | مقاطع بلوتوث | صوت | صور | فلاش | مقاطع فيديو | منوعات


مواضيع أخرى للمرسل MrSaL
اسرة بحرينية تطالب الملك – صور
تحذير من فايروس البريد الجديد
خلاخل والبلا من داخل – فيديو
ياعيني على القصيدة – صوره


اخر عشر مواضيع ارسلت للمجموعة
صور : كامبردج العظيمة في بريطانيا العظمى
ضعوفنا في أمريكا
كرهت الزواج بذا اليوم
رحلتي إلى أوروبا – جنيف + ميلانو – الجزء الأخير
تصاميمي الأخيرة – لون حياتكـ
طبخ ونفخ : كل واحد يدخل ويجيب بيالته الشاهي معه
صور : .تقرير عن تجربتي الشخصيه عن الحجامه
تقلبات
اختَلَفَ وأبَى ….تغيّر بعدَ أن تفكَّر ..!
صور : كيف يسمحون لها تطير
شبكة ابو نواف 2000-2007
قوانين الشبكةالخلاصات RSSالملف الصحفي

__._,_.___

للإشراك أو إلغاء الاشتراك أو معرفة تفاصيل إضافية عن المجموعة :
http://www.AbuNawaf.com
————————-
لإلغاء الاشتراك أرسل رسالة فارغة للبريد لتالي
AbuNawaf-unsubscribe@yahoogroups.com
وسوف تأتيك رسالة تأكيد الإلغاء قم بإعادة إرسالها
————————-
المكتبة الصوتية للقرآن الكريم
http://www.mp3quran.net
————————-
موقع رياض القرآن
http://www.ryadh-quran.net
————————-
رسول الله
http://www.rasoulallah.net/
————————-

Recent Activity

Visit Your Group

Y! Entertainment

World of Star Wars

Rediscover the force.

Explore now.

Y! Messenger

Instant smiles

Share photos while

you IM friends.

Find helpful tips

for Moderators

on the Yahoo!

Groups team blog.

.


__,_._,___

[AbuNawaf] ضعوفنا في أمريكا

شبكة أبو نواف
وسائط أبو نواف
رسائل الجوال SMS
\"\"
مجموعة ابو نواف رسائل المجموعة ملتيميديا وصلات خارجية الاعضاء إحصائيات

ضعوفنا في أمريكا
ارسلت بواسطة العضو : A6lqhm 7m0o0dy بريد العضو : a6lqhm@gmail.com

للتعليق ولمشاهدة الموضوع بشكل افضل : http://www.abunawaf.com/post-7136.html

السلام عليكم ورحمة الله وبركاته

هذي المشاركة الأولى لي في مجموعة أبو نواف مع العلم اني من المشتركين القداماء
اتمنى في مقالي هذا انني استطعت ملامست احاسيس الناس
واتمنى ان اوفق فيه
لا تحرموني من انتقادكم حيث انه سوف يفيدني
دمتم بخير

تحياتي:
حموـوـوـوـودي
s_7moody


للتعليق على الموضوع او مشاهدة التعليقات الاخرى : http://www.abunawaf.com/post-7136.html

للاشتراك ضع بريدك هنا:

للمشاركة قم بإرسال مشاركتك على البريد التالي :
abunawaf@yahoogroups.com

بيتزا إرا Pizza Era
وسائط أبو نواف


اخر عشر مواضيع ارسلت للمجموعة
صور : كامبردج العظيمة في بريطانيا العظمى
ضعوفنا في أمريكا
كرهت الزواج بذا اليوم
رحلتي إلى أوروبا – جنيف + ميلانو – الجزء الأخير
تصاميمي الأخيرة – لون حياتكـ
طبخ ونفخ : كل واحد يدخل ويجيب بيالته الشاهي معه
صور : .تقرير عن تجربتي الشخصيه عن الحجامه
تقلبات
اختَلَفَ وأبَى …تغيّر بعدَ أن تفكَّر ..!
صور : كيف يسمحون لها تطير
شبكة ابو نواف 2000-2007
قوانين الشبكةالخلاصات RSSالملف الصحفي

__._,_.___

للإشراك أو إلغاء الاشتراك أو معرفة تفاصيل إضافية عن المجموعة :
http://www.AbuNawaf.com
————————-
لإلغاء الاشتراك أرسل رسالة فارغة للبريد لتالي
AbuNawaf-unsubscribe@yahoogroups.com
وسوف تأتيك رسالة تأكيد الإلغاء قم بإعادة إرسالها
————————-
المكتبة الصوتية للقرآن الكريم
http://www.mp3quran.net
————————-
موقع رياض القرآن
http://www.ryadh-quran.net
————————-
رسول الله
http://www.rasoulallah.net/
————————-

Recent Activity

Visit Your Group

Only on Yahoo!

Star Wars galaxy

Create a profile

and meet fans.

Wellness Spot

Embrace Change

Break the Yo-Yo

weight loss cycle.

Yahoo! Groups

Join people over 40

who are finding ways

to stay in shape.

.


__,_._,___

[AbuNawaf] رحلتي إلى أوروبا – جنيف + ميلانو – الجزء الأخير

شبكة أبو نواف
وسائط أبو نواف
رسائل الجوال SMS
\"\"
مجموعة ابو نواف رسائل المجموعة ملتيميديا وصلات خارجية الاعضاء إحصائيات

رحلتي إلى أوروبا – جنيف + ميلانو – الجزء الأخير
ارسلت بواسطة العضو : فـهـد الـسـعـوديـه بريد العضو : serdar_999@hotmail.com

للتعليق ولمشاهدة الموضوع بشكل افضل : http://www.abunawaf.com/post-7134.html

السلام عليكم ورحمة الله وبركاته

عن أبي الدرداء رضي الله عنه أنه سمع رسول الله صلى الله عليه وسلم يقول : (ما من عبد مسلم يدعوا لأخيه بظهر الغيب إلا قال الملك ولك بمثل) .. وعنه صلى الله عليه وسلم انه قال : (دعوة المرء المسلم لأخيه بظهر الغيب مستجابه , عند رأسه ملك موكّل كلما دعى لأخيه بخير قال الملك الموكل به : آمين ولك بمثل) .. العم محمد (أبو سعد) عبد مؤمن .. ماتعرفه ولا يعرفك .. انقطع عمله من الدنيا .. وانتقل إلى جوار الرب جل جلاله بعد معاناة مع المرض .. دعوه خفيفه قد تحتقرها او تستصغرها .. لكن أنا متأكد انه مستعد يشتريها بالدنيا كلها .. لذلك لا تحرم شخص محتاج من شئ لن يكلفك لا مال ولا أدنى جهد … افعلها لانك عاجلا او آجلا بتكون في نفس وضعه .. ويمكن تكون محتاج للدعاء أكثر منه .. وربما تجد من يدعي لك وهو ما يعرفك مثل ما دعيت للشخص هذا اليوم .. القرار بيدك انت .. اغلب شيطانك واذكر الموت واستشعر حاجته لدعائك .. وأرجوا من الله أن يرقق قلب من يقرأ هذه الكلمات .. وأن يغلبه على نفسه وشيطانه

: من دعاء النبي صلى الله عليه وسلم للميت

اللهم اغفر له وارحمه , وعافه واعف عنه , لقّه الأمن والبشرى والكرامة والزلفى , اللهم إن كان محسناً فزد في حسناته , وإن كان مسيئاً فتجاوز عن إساءته , اللهم اغسله بالماء والثلج والبرد , نقه من الخطايا كما ينقى الثوب الأبيض من الدنس , أبدله أهلاً خيراً من أهله , وداراً خيراً من داره , وجيراناً خيراً من جيرانه , اللهم لا تحرمنا أجره , ولا تفتنّا بعده , واغفر لنا وله


جنيف

الوصول : 24 – 8 – 2008
المغادره : 27 – 8 – 2008
Mercure Annemasse Porte De Geneve : الاقامه

للاطلاع على الاجزاء السابقه
رحلتي إلى أوروبا – فيينا – ج1
رحلتي إلى أوروبا – فيينا – ج2
رحلتي إلى أوروبا – سالزبورغ – ج3
رحلتي إلى أوروبا – زيلامسي – ج4
رحلتي إلى أوروبا – انترلاكن – ج5
رحلتي إلى أوروبا – لوزان – ج6
رحلتي إلى أوروبا – جنيف – ج7

بالنسبه لهذه السلسله .. فإنها مكتوبه مسبقاً إلى آخر جزء .. ومحتفظ فيها في الهارد دسك .. وكنت قبل لا انشر أي جزء .. أعيد تنقيحه وأفرز الصور وكذا .. لكن الهارد دسك عندي ضرب .. وفقدت جميع المعلومات اللي فيه .. والتقارير راحت كلها ..وراح اللي أهم منها بعد … ولا أخفيكم اني حزنت عليها حزن شديد .. وحاولت بشتى الطرق اني استرجع المعلومات المفقوده لكن ما استطعت .. والحمد لله على كل حال .. وبالنسبه للتقارير اللي فقدت .. فقد كانت رحله إلى جنوب فرنسا (نيس – كان – موناكو) ..كذلك رحله إلى مدينة ليون الفرنسيه .. واخيراً رحله إلى ديزني وباريس .. وتقرير خاص بمتحف اللوفر في باريس .. وهذا التقرير بالذات هو أكثر تقرير زعلت عليه .. وكم تمنيت انه يُنشر .. ما أود قوله أن هذا التقرير سيكون الخاتمه لهذه السلسه .. تمنيت اني اكملها معكم .. لكن الله قدّر خلاف ذلك

.. بسم الله نبدأ

الجزء الماضي تكلمت عن أحداث اليوم الأول في جنيف .. في هذا الجزء الخوي قرر يروح ايطاليا وميلانو تحديداً .. عشان يحظر مباراة انترميلان مع اودونيزي في افتتاح الدوري الايطالي .. والخوي لمن لا يعلم .. نصراوي برشلوني انتراوي الميول .. وكان من ضمن احلامه حضور مباراة لبرشلونا او الانتر .. لذلك تم الاتفاق على انه يروح وانا ابقى في جنيف .. لذلك سيكون محتوى هذا الجزء مقسوم لقسمين .. يوم في جنيف ويوم في ميلانو .. الخوي حجز بالقطار من جنيف لميلانو الصباح .. بـ 70 يورور تقريبا .. والعوده في نفس اليوم على الساعه 7 او 8 المساء .. ومدة الرحله 4ساعات تقريبا


ميلانو ايطاليا

اتفقنا أنا والخوي على انه لما يصحى من النوم ياخذ السياره ويوقفها في محطة القطارات في جنيف .. ويركب قطاره ويروح .. عشان اذا رجع يجي في السياره على طول .. وأنا راح ادبّر نفسي .. وهذا ما حصل .. ولما صحيت من النوم لقيت رساله في جوالي من الخوي يقول فيها انه ركب القطار وطالع في الطريق … وانا متأكد انه وقتها كان متشقق على الآخر .. وهذي محطة القطارات اللي نزل فيها في ميلانو .. تحس انه نازل في ورشة حداده

الخوي طلع الصباح .. ووصل ميلانو على العصر .. ركب التكسي وقال له على السان سيرو لو سمحت ياسطه

DSC04303.jpg

هذا راعي التكسي

DSC04304.jpg

راعي التكسي هذا اسمه توني .. والعياره حقته سوبر ماريو .. عنده مطعم عائلي يقدم فيه اكل ايطالي .. ويكون في نفس الوقت واجهه يعقد فيها صفقات المخدرات وكذا .. واثنين من اولاده قتله مأجورين .. عشان يستعملهم في التخلص من الأعداء .. واخوه محامي .. عشان يطلّعه منها لما تكبس عليه الحكومه … وجهه من النوع الصغير المدوّر .. وصاحب هذا النوع من الوجيه , يولد مجرم بالفطره .. بعدين ممكن ينصلح حاله على حسب الظروف والمحيط اللي يعيش فيه .. شنبه موجود منذ الولاده وغير قابل للحلاقه .. الكحول داخله ضمن تركيبة دمه الأساسيه بنسبه لا تقل عن 30% .. يعني لو يطيح فيه مصاص دماء كان سكر .. عيونه صغيره لكن نظراته ثاقبه .. والكاريزما حقته عنوانها الرئيسي يهمس في اذنك ويقول .. خلك بعييييييييييد ياشاطر .. الشخص هذا – بعيد عنكم – مطلوب في اكثر من قضيه قتل وسلخ وتهريب وتعذيب وتنتيف .. لكن ما قدروا يمسكون عليه شي

هذي بوابة السان سيرو

DSC04305.jpg

الجو في ميلانو كان شديد الحراره على حسب كلام الخوي .. ويُلاحظ العدد كبير من الجماهير الايطاليه اللي لابسين فنيلة النصر العالمي .. وفيه واحد كاتب ماجد في قلوبنا

المباره حماسيه والجمهور مستمتع والله يخزيك يا شيطان اللاعبين بدؤوا في الاصطفاف والمباراه ستبدأ بعد لحظات .. لكن قبل لا تبدأ المباراة .. المنظمين قاعدين يشاورون اعمارهم .. كانوا طفشانين ويبون يوقفون دقيقة صمت على أي أحد .. شافوا من هنا وهناك .. مالقوا احد من اللي ماتوا مؤخّراً يستاهل .. لذلك صرفوا نظر عن الفكره

DSC04314.jpg

شوف الشعارات والاعلام .. كذلك واضح ان المروّجين قاعدين يلعبون لعبتهم الكبيره

DSC04315.jpg

المنطقه هذي ما يقعد فيها الا مدمن .. لانها منطقة الترويج المفضله .. بما انها صادّه ومحد حولك .. والزوايا فيها كثير .. والمدمنين يقدّرون الزوايا

DSC04316.jpg

لوحة الملعب في خاطرها كلام تبي تقوله

DSC04322.jpg

زانيتي يعطي التوجيهات الاخيره .. وكان ينادي عليهم زملاااااااي زملااااااااي .. اذا غفلوا عنكم .. طبقوا خطّة الكماشه .. واركدوا والعنوا الشيطان .. والله الله في زملاكم ثم هالله الله في زملاكم .. كل واحد يناول لزميله اللي جنبه .. ولحد يضرب الحكم .. واذا خلصت المباراه ترا عشاكم عندي يالربع .. قولوا تم .. انتوا زملاي وتستاهلون .. الله الله

DSC04328.jpg

الزميل كروز متحمس

DSC04326.jpg

وهذي هجمه خطيره

DSC04330.jpg

الزميل فيجو متمركز ويطلب الكره من الزملا .. لكن محد ناول له

DSC04331.jpg

فيجو زعل وقال الشرهه على اللي يلعب مع مبزره .. سود الله وجيهكم من زملا

DSC04332.jpg

الزملا يحاولون يطبقون خطة الكماشه لان زميلهم زانيتي ازعجهم

DSC04334.jpg

مانشيني غير الخطه الى 8 وسط .. و 3 مهاجمين .. وآخر واحد يحرس

DSC04335.jpg

الزميل فيقو انحسر ويبي يروح دورة المياه الله يكرمكم .. والزميل زانيتي يصارخ عليه يقول لا تخرّب خطة الكمّاشه يازميل رقم 7 .. زميل رقم 7 .. يا ورع .. لكن الزميل ما اعطاه وجه

DSC04341.jpg

جماهيرية الفريق وكونه احد اقطاب مدينة ميلانو .. بالاضافه الى فضاوة الشعب الايطالي وارتفاع نسبة البطاله .. كل ذلك أدى الى حضور هذا الكم الكبير من الجماهير المفاصيخ

DSC04345.jpg

احب اطمّن الاخوان الانتراويه ان خطّة الكماشه نجحت .. والزملا جابوا قول

DSC04344.jpg

عموما يا فرحه ما تمت .. لأن المباراة انتهت بالتعادل .. والناس ذبحهم الحر .. وراحوا بيوتهم .. والخوي فضّل انه ينتظر شوي .. ويلتقط بعض الصور .. ولاحظ ان الخوي كان في أقصى حالاته الكرويه … ما ترك علم الا ولبسه .. ما ناقصه الا كوره يسنّد عليها رجله زي الكابتن ماجد .. تحس انه من هالمهبولين اللي يطوفون العالم على سيكل او منطاد .. اللي معهم اعلام كثيره وملزقين على اعمارهم ستيكرات وطوابع وشغلات

DSC04358.jpg

ولاحظ شال النصر اللي شراه من الفانز ستور حق السان سيرو .. نعم .. موجود هناك .. لانه فريق عالمي وكل العالم تعرفه .. واعلامه تباع في اي مكان في العالم بجانب اعلام ريال مدريد وليفربول ومن على شاكلتهم من الفرق العالميه .. فيما غيرهم اكبر همّه يجيب الدوري السعودي وكنه جايب كأس العالم .. ويتبجّحون بعدد البطولات اللي من بينها بطولة حليب السعوديه وسن توب وسريلاك وتايد وبف باف .. مادري وين يطيحون على هالبطولات .. الظاهر انهم يلعبونها في مواقف بنده .. والمشكله على عدد بطولاتهم لو تجيب واحد من الكويت .. من قريب يعني .. وتسأله عن الفريق هذا .. ماراح يعرفه .. وفيه نقطه ثانيه .. ياخي يموتون على لقب (عميد لاعبي العالم) .. لدرجة ان الفيفا يفكّر يغيّر اللقب الى (عميد لاعبي العالم غصب) .. كذلك يحبون يعدّون اغراضهم وشغلاتهم .. ويروحون يفتخرون فيها .. مثل اكثر لاعب سنتر .. اكثر حارس خبط في العارضه .. اكثر لاعب يطيح .. اكثر لاعب يدور على نفسه .. اكثر لاعب يراكض .. واحس انهم لولا الحيا كان قالوا احنا اكثر نادي فيه لمبات .. اكبر حوش .. اكبر بوابه .. وهكذا

بدأ العاملون في تنظيف الملعب والخوي مازال موجود

DSC04360.jpg

الشباب خلصوا شغلهم ويبون يقفلون الملعب .. لكن مستحين من الخوي

DSC04362.jpg

ياحي من زار وخفف يالخوي

DSC04366.jpg

وهذا الفانز ستور حق السان سيرو .. وطبعا ما يبيع الا لقطبي مدينة ميلانو .. الانتر والميلان .. والنصر بعد .. كضيف شرف عالمي

DSC04367.jpg

الخوي ولله الحمد طلع من الملعب .. واتوقع انه ما طلع برضاه .. ويقال ان فيه ناس شافوه يهرب ووراه واحد يلحقه بالشبشب ويقول اطلع برا يا كلب .. ما علينا .. المهم توجّه للسنتر .. وابي اقول شغله .. انا مارحت مع الخوي ميلانو .. لكن لما شفت الصور .. تأكدت ان ابناء البلد هذي .. الفن يمشي في دمهم .. ابتداء من رعيل الفنانين الاول .. انتهاءاً بالوقت الحاضر .. طول عمر الايطاليين متربعين على قمّة الفن بجميع أشكاله … وهم أسياده بلا منازع .. وانا من وجهة نظري ان الايطاليين هم اكثر ناس في العالم تفهم في الفن وتتذوقه .. والفن داخل في تفاصيل حياتهم بشكل كبير .. اخليكم مع الصور التي التقطت في الساحه الأشهر في ميلانو

شوف الحمام

DSC04375.jpg

DSC04383.jpg

وعلى حسب ما قرأت مؤخراً .. ان الحكومه الايطاليه اصبحت تفرض غرامه جامده – عباره عن مبلغ مالي وكفّين – على اللي تصيده يطعم الحمام في الساحات العامه .. وأرجعوا سبب ذلك الى ان الحمام صار يخرّب التماثيل والتحف والشغلات الأثريه اللي هم على الله ثم عليها .. لكن المشكله ان فيه ناس يبيعون اكل الحمام هذا للسياح .. وفاتحين بيوت من ورا هالشغله .. لذلك عملوا مظاهره يعارضون فيها القرار .. واللي فهمته بس مو متأكد .. ان الحكومه في الاخير منعت اطعام الحمام وأقرّت العقوبه لكن ما منعت الباعه من بيع اكل الحمام .. يعني تجي في أمان الله وتشتري اكل حمام .. وانت الى الآن في السليم ولا احد يقدر يقول لك شي .. بعدين تتوجه للحمام عشان تطعمه وتعيش اللحظه .. وياغافلين لكم الله .. تاخذ لك مكان مناسب وتتمركز كويس وعين الله عليك ..مازلت في الامان .. دخّلت يدك في الكيس .. جمعت لك كم حبه .. اخرجت يدك من الكيس .. رميت الأكل .. الحين اقدر اقول انك غلطت غلطة عمرك .. وراح تسمع واحد ينادي بـ أعلى صوته .. القواااااات تتقدم .. انتشروووووا .. وانت تتلفت حولك ما تدري وش السالفه ولسان حالك يقول اللهم اجعلو خير .. وتكتشف بعدين ان الحكومه كبست عليك .. وهنا اقدر اقول لك .. راحت عليك ياصاحبي

بالعربي الدعوه منكح يا اخوان .. لذلك ارجوا الانتباه والتأكد من هذه النقطه

هذي في رأيي انها من أحلى الصور اللي التقطها الخوي .. هذا التمثال يشكل عند الايطاليين القدامى آلهة الهياط

DSC04377.jpg

وهذي كاتدرائية الدومو

DSC04384.jpg

الصراحه ما اقدر اقول شي … تحفه .. بناء عظيم جداً بعظم اهميته لدى أتباع هذه الكنيسه التاريخيه .. الكنيسه هذي مبنيه من القرن الـ 13 .. تعتبر ثالث أكبر كنيسه في أوروبا .. أكثر من 140 رأس مدبّب تزين طرف الكنيسه العلوي وكأنها تاج .. كذلك 2000 تمثال تندمج مع البناء على طريقة المباني الأوروبيه التاريخيه .. أو تنتشر داخل ممراته وغرفه .. ويقولون ان جرس الكنيسه كبر برج الفيصليه .. لا امزح .. المهم البناء يعجز عنه الوصف

الخوي جمع الفنيات كلها بهالصوره .. خلط تمثال آلهة الهياط بالكنيسه .. والظاهر لو أراد انه يصور زيها مره ثانيه ما عرف .. يعني تقدرون تقولون بيضة الديك

DSC04388.jpg

وهذا سوق فيتوريو ايمانويل كما عرفت من النت .. طبعاً ميلانو مدينة الموضه .. وهذا اشهر سوق في مدينة الموضه .. واذا بتروح ايطاليا لا تشتري الا من ميلانو ومن هذا السوق بالتحديد .. التمثال في الصوره اعجبني مره .. واعجبني اكثر موقعه .. وتمنيت اعرف لأي شئ يرمز

DSC04374.jpg

وهذي صوره أخرى للسوق

DSC04390.jpg

شوف التصميم الداخلي للمبنى .. وشوف كيف انهم مهتمين بالتفاصيل اهتمام كبير .. شوف التماثيل بين الشبابيك .. وشوف اللوحه اللي فوق في الزاويه .. وشوف التمثالين على يمين اللوحه ويسارها .. وشوف الزخرفه اللي على القوس فوق اللوحه .. يعني أماكن تتضائل احتمال انه احد ينتبه لها ويشوفها .. ومع ذلك يعطونها حقها بشكل كبير جداً .. بل تكاد تكون أجمل ما في البناء .. وأنا صحيح اني اتكلم عن هذا المبنى تحديداً .. لكن هذا الفكر المتّبع في البناء – أي الاهتمام بالتفاصيل بغض النظر عن موقعها او حجمها , وإضفاء اللمسات الجماليه – موجود في كل المباني التاريخيه او القديمه في أوروبا

DSC04392.jpg

وشوف الأرضيه بعد من الرخام المفتخر

DSC04409.jpg

وهذا تمثال دافنشي .. مافيه منه الشخص هذا .. بتاع كلو .. فنان ومخترع وله في التشريح والهندسه الميكانيكيه و و و .. يعني لو عاش شوي كان يمكن يصير طيار

DSC04403.jpg

صور عامه للمدينه

DSC04401.jpg

DSC04402.jpg

الخوي مع شارون

DSC04414.jpg

لما قرب وقت رحلة عودة الخوي (ميلانو – جنيف) .. أخذ تكسي ورجع لمحطة القطارات .. وقعد يتفاهم معهم بلغة الاشاره الين ركبوه قطاره .. ووصل الفندق على الساعه 12 او 1 بالليل تقريباً

هذا ما يتعلق برحلة الخوي لميلانو

اليوم الثالث من جنيف

ابي اتكلم عن نقطه في البدايه عشان تكونون بالصوره .. لما كنت صغير كنت أروح مع ابوي المسجد عشان نصلي الجمعه .. وفي كل مره كنا نروح فيها .. كنت أضيع … ويقعد ابوي يدوّر علي, واخوي الكبير معه .. والمشكله اني ما كنت أنتظر في مكاني الين يحصّلوني .. بل كنت أروح أدوّر عليهم انا بعد .. أو أدوّر على السياره .. لذلك يستمر البحث مده طويله ولا كنا نرجع الا قريب العصر .. وكان الشئ هذا يتكرر كل جمعه .. واستمر عدة سنوات .. لدرجة انه تحول لـ نشاط اسبوعي .. يعني امي لما تكون قاعده مع ابوي صباح الجمعه على القهوه .. تسأله وين بتروح اليوم؟ .. يقول بروح أسلم على فلان وأمر على فلان في المستشفى .. وأرجع البيت آخذ العيال ونروح نصلي الجمعه .. بعدين أدوّر على فهد وأجيكم للغدا .. كما أن ابوي فقد التدرّج المنطقي الذي يأتي في مثل هالحالات .. وصار التدرّج على هذا الشكل .. نروح للمسجد ونصلي .. بعدين نقعد شوي .. ولما يطلعون أبوي واخوي , ما يتوجهون للسياره وينتظروني , واذا تأخرت يقلقون بعدين يبدؤون بالبحث … لا .. صار لما يطلعون من المسجد مباشرةً كل واحد منهم يغطّي منطقه , ويروحون يدوّرون علي .. لأني أكيد بكون ضايع .. وبعد فتره صارت المسأله تمشي في دمهم .. وصاروا يسوونها تلقائياً .. لدرجة اني مره ما جيت معهم المسجد .. فـ لما طلعوا صاروا يدورون علي الى المغرب .. وانا ما جيت معهم أصلا .. لا أمزح .. لكن الصحيح ان المسأله هذه ظلت تلازمني إلى الآن ولو انها أقل وطأه من أول .. لذلك أنا أصنّف نفسي من الناس اللي يضيعون بسهوله .. واحتمالات ضياعي في أي مكان هي الأعلى في العالم .. يعني في أي لحظه ممكن أضيع وما تلقاني .. ولم أستطع إيجاد سبب منطقي لذلك .. وفي الأخير اعتبرتها كـ نقطة ضعف لا أكثر

الخوي عكس ذلك تماماً .. انسان تقدر تقول لاقي نفسه تماماً – ماشاء الله عليه – .. مستحيل يضيع في مكان .. قدرته في تثبيت الأماكن عجيبه وتتعدا حدود المنطق .. تحس انه جهاز ملاحه متحرك .. ما شاء الله عليه مره ثانيه .. وفي هذه المسأله أنا أعتمد عليه اعتماد كلي .. لذلك لما غاب عني عانيت كثير من مسألة التوهان هذي

نفس اليوم اللي قضاه الخوي في ميلانو .. أنا قضيته في جنيف .. ولما صحيت الصبح حصّلت رساله في جوالي منه .. يقول انه ركب القطار وفي طريقه لميلانو.. طلبت فطوري للغرفه وافطرت واخذت لي دش وبدلت ملابسي واخذت اغراضي ونزلت .. رحت للاستقبال و سألتهم عن أقرب محطة نقل عمومي تصل لـ جنيف .. طلّعوا لي الخريطه وأشّروا على المحطه اللي كانت على الحدود بين المدينه الفرنسيه اللي انا فيها وسويسرا .. وكانت محطة قطارات .. أخذت شنطتي واوراقي ومسكت الخريطه ومشيت .. وكانت المسافه بعيده شوي اذا بتقطعها مشي .. وبمساعدة الخريطه استطعت أن أصل للمحطه .. تجاوزت نقطة الجوازات ووقفت عند القطار .. وكان فيه زي الجهاز تقطع منه التذاكر .. قعدت أطالع فيه وما عرفت شيء .. مع ان الشرح كان واضح بس أنا حبيت أتأكد .. لذلك وبمساعدة شخص فرنسي استطعت قطع التذكره .. وركبت القطار وتأكدّت من السواق ان القطار هذا متوجه لـ جنيف .. وصلنا للسنتر وكان اليوم هذا عندهم اجازه نهاية الاسبوع وكل المحلات مقفله .. لما نزلت مشيت ولفيت المدينة على الاقدام .. وكان فيه أنشطه رياضيه وعزف ووناسه .. وهذي الصور

هذي أول ما نزلت من القطار في وسط جنيف

SSA40770.jpg

وهذه الصور التقطت أثناء التجول .. غالباً ما راح تشوف سيارات واقفه داخل المدينه .. خصوصاً في المنطقه التجاريه والسياحيه .. لأن تصميم هذه المنطقه يدعم المشاة بشكل كبير .. والسيارات مخصصين لها مواقف خاصه غالبا تكون تحت الأرض أو في مبنى خاص .. أو على أطراف الشوارع خارج منطقة المباني التجاريه او على جانبها .. لكن فيه ترام تقدر تستخدمه في التنقل

لاحظ معي كيف ان المدينه نظيفه جدا .. والناس هنا يعتبرون الشئ هذا من الحضاره .. يعني لما يكون جزء من ثقافتك انك ترمي النفايات في أماكنها المخصصه , هذا يعتبر شئ مميز .. كذلك البنايات في غاية الروعه .. كلها تقريبا وبدون استثناء .. وفيه اهتمام في أدق التفاصيل بالنسبه لـ تجميل المدينه .. يعني ما تلاقي زاويه الا مسوين فيها شي ومعطينها شكل حلو .. على سبيل المثال اللمبه اللي في الصوره بالأسفل .. يعني ما حطوا أي شئ يؤدي الغرض وخلاص .. بل تم اختيار ما يتناسب شكلاً ولوناً وتصميمأ مع المحيط الخراساني .. ابتداءاً من لون الاناره مروراً بالعمود وانتهاءاً بالقاعده .. وهذا مثال بسيط ممكن تقيس عليه جميع التفاصيل الأخرى .. لذلك تظهر المدينه كأنها لوحه متكامله رسمها وأبدعها شخص واحد

شوف شبكة الاسلاك المعلقه .. هذي عشان اذا واحد سكران مثلا .. طاح من السطوح او من البلكونه او من طياره او اللي هو – بعيد عنكم يعني – .. تمسكه هالاسلاك عشان ما يطيح على الارض .. وتعطيه شوط كهرب من ابو 1000 فولت .. اللي يشغل حاره كامله .. الشوط هذا كفيل بأنه يفوّق السكران وفي نفس الوقت يوجه له رساله تقول لا تتعودها مره ثانيه

هناك عمق ثقافي وتاريخي يتم إظهاره للسياح بشكل حضاري من خلال التماثيل والأشكال والمنحوتات الفنيه التي تنتشر في المدينه .. ولا تخلو مساحه من واحد أو اكثر من هذه التماثيل .. كلها تحكي تاريخ البلد أو تاريخ أشخاص معينين أو أحداث كان لها تأثير كبير .. بالإضافه إلى ذلك فإن وجود مثل هذه التماثيل يزيد في جمال المدينه وجاذبيتها

الجمال الطبيعي له حضور وسط هذه اللوحه الخراسانيه … إما بشكل طبيعي أو بتدخل خارجي كما في الصوره بالأسفل .. حيث تجد على جانبي الطريق أحواض زراعيه .. والأحواض هذه برضو تتكامل كـ شكل خارجي مع المحيط .. وبالنسبه للجمال الطبيعي فإنه لا يتم المساس به مالم يشكل عائق .. لذلك حصل فيه توازن نوعا ما

باختصار اقدر أقول ان دافع الضرائب في هذه البلد خصوصاً , وفي عامة البلدان الأوروبيه عموما يجد مقابل لما يدفعه من جميع النواحي .. ولو اني أوروبي كان دفعت الضريبه وأنا مرتاح البال والخاطر دام هذا المقابل .. على عكس ما نراه في كثير من بلداننا العربيه

ما راح اتكلم كثير عن وين لقيت نفسي بعد هالجوله .. وعن الى اي درجه كنت تايه في المدينه .. لدرجة اني حسيت نفسي وصلت لمدينه ثانيه مشي .. لكن بقول تخيل انك جبت هندي توه جاي السعوديه وفكيته في الرياض الصبح .. وخليته يمشي على رجوله .. ورجعت له المغرب … يعني لو نزلته في النسيم .. كان بيمديك تلقاه في البطحا .. المهم استطعت العوده لمحل ما نزلت … وركبت القطار اللي كانت محطتي فيه هي آخر محطه .. أي الحدود السويسريه مع فرنسا .. وتهت مره ثانيه في القريه .. ووصلني فرنسي راعي دباب .. دخلت الفندق ونقنقت على اللي في الثلاجه .. وما حسيت بنفسي الا انا نايم

في الأخير أكرر شكري لكل من شجعني وكل من راسلني وعلق على مواضيعي .. واتمنا اني قدمت شي يليق بقراء هذه المجموعه .. وأرحب بأي ملاحظات أو استفسارات

والسلام عليكم ورحمة الله وبركاته


للتعليق على الموضوع او مشاهدة التعليقات الاخرى : http://www.abunawaf.com/post-7134.html

للاشتراك ضع بريدك هنا:

للمشاركة قم بإرسال مشاركتك على البريد التالي :
abunawaf@yahoogroups.com

بيتزا إرا Pizza Era
وسائط أبو نواف


اقسام الملتيميديا

العاب فلاش | ملفات | مقاطع بلوتوث | صوت | صور | فلاش | مقاطع فيديو | منوعات


مواضيع أخرى للمرسل فـهـد الـسـعـوديـه
رحلتي إلى أوروبا – جنيف – ج7
رحلتي الى أوروبا – لوزان – ج6
رحلتي إلى أوروبا – انترلاكن – ج5
رحلتي إلى أوروبا – زيلامسي – ج4
رحلتي إلى أوروبا – سالزبورغ – ج3


اخر عشر مواضيع ارسلت للمجموعة
صور : كامبردج العظيمة في بريطانيا العظمى
ضعوفنا في أمريكا
كرهت الزواج بذا اليوم
رحلتي إلى أوروبا – جنيف + ميلانو – الجزء الأخير
تصاميمي الأخيرة – لون حياتكـ
طبخ ونفخ : كل واحد يدخل ويجيب بيالته الشاهي معه
صور : .تقرير عن تجربتي الشخصيه عن الحجامه
تقلبات
اختَلَفَ وأبَى ….تغيّر بعدَ أن تفكَّر ..!
صور : كيف يسمحون لها تطير
شبكة ابو نواف 2000-2007
قوانين الشبكةالخلاصات RSSالملف الصحفي

__._,_.___

للإشراك أو إلغاء الاشتراك أو معرفة تفاصيل إضافية عن المجموعة :
http://www.AbuNawaf.com
————————-
لإلغاء الاشتراك أرسل رسالة فارغة للبريد لتالي
AbuNawaf-unsubscribe@yahoogroups.com
وسوف تأتيك رسالة تأكيد الإلغاء قم بإعادة إرسالها
————————-
المكتبة الصوتية للقرآن الكريم
http://www.mp3quran.net
————————-
موقع رياض القرآن
http://www.ryadh-quran.net
————————-
رسول الله
http://www.rasoulallah.net/
————————-

Recent Activity

Visit Your Group

Only on Yahoo!

World of Star Wars

Meet fans, watch

videos & more.

Y! Messenger

Instant hello

Chat over IM with

group members.

Yahoo! Groups

Join a program

to help you find

balance in your life.

.


__,_._,___

[AbuNawaf] كرهت الزواج بذا اليوم

شبكة أبو نواف
وسائط أبو نواف
رسائل الجوال SMS
\"\"
مجموعة ابو نواف رسائل المجموعة ملتيميديا وصلات خارجية الاعضاء إحصائيات

كرهت الزواج بذا اليوم
ارسلت بواسطة العضو : سانكرس vip بريد العضو : sankirs@hotmail.com

للتعليق ولمشاهدة الموضوع بشكل افضل : http://www.abunawaf.com/post-7135.html

السلام عليكم ورحمه الله وبركاته
صبااحكم روشنه ومسااكم دلعنه
قروبي العزيز اعتذر عن انقطاعي المفاجئ الذي سبب الخقق في الشبكه Family ابو شعر وذلك لأنشغالي مع ابن خالي مهند خلف الكواليس و الكميرات >>>> افقش يا من تفقش

لكن الحمد لله قربنا نخلص المسلسل راح الكثير ما عاد بااقي الا الكثر( 498578590 ) حلقه بس وانا اعالج ذااليويمن مع ابن خالي داعيه الام بي سي ذا الي كأنها صنيه كاسات طاايحه من فوق الدرج تصدقون ساعات وانا اتابع القناة وفجائه تجي الدعايه يضيق صدري من الروعه واتحسف اني تابعت وجلس اتحسب على المخرج المرعب >>>> اهذي مقدمه ولا سياره بليله هااع

المهم

راح اعطيكم وطايه الموضوع >>>> والله تسمع بذوق انت وجهك
كنت جالس في صاله بيتنا تحت المكيف وفااارد رجليني حركه مقص وشاادَ حواجبي على نورلين جاني شد عضل “

ألتفتت الى my Mather العزيزه وهمس لها من بعيد أمي ابي اتزوج ما دريت ال my Mather طبت في حجري والله من صدقك My son هاذي السااعه المبااركه >>>>> منشف ريقهم على الزواج <<<من زينك بس بشرط يمه يكون شهر العسل في ايطالياا امي : تزوج وان شاء الله تروح الخرطوم يا ولدي

قدر الله علي وجلست اسوي Searchعلى Half of the heart بعدما وفقني ربي وملكت وشديت My face اليوم الثاني الصباح بعد نوم هني >>>>>> امحق نمت شديت خشتي الى الاحوال المدنيه طبعا قبل هذي الليله تسمع العياال كل واحد مسوي فيهاا فااهم انته يابوفلان يلعبون عليك ويطلعون لك كرت العايله الطويل الي تحطه بدرج السياره يطله من الكبوت من طوله خلك ذيب وخذ الكرت الجديد اوكيه المهم سويت فيها بدري وصلت مبني الاحوال الساعه 7:45 دقيقه

قبل ما يجي المقهوي حق الشااهي لحظاات ومر علي ذكرني بدعايه نسكافيه الي لازقاَ الفارش ورى ظهره هاااع الحمااس دف لسااني له وقلت له ياعم وش طلباتكم لكرت العائله الجديد قالي يطلبون منك ياولدي عقد النكاح واثباتك وصور لذا الخشه <<<< مشكور يا عم هنا جاات اغنيه بو نوره اخر زياره حسيت في اخر زياره شي في عيونك مختلف

وانا اسولف مع الحاق وانا اطلع الدرج هنا Incident رفعت عيوني وكانت الصدمه شفت شنو شفت وااااااي

ناااقص بس مدهش ويكون مهرجان صيف دبي يالله وش ذااا اعالم كل هذول جايين قبلي حسيت هنااااا اني جنط وSilver بعد هنا جلس عقلي يحاارش شفت يابو فلان هذا الـ Marriage (الزوااج ) هذي بدايته ضغطت انا على نفسي انا لالالا عاتي لزم نتعب تفكر شغل البسبوسه سهل انت ببتسامه بريئه طليت على الموظف اخوي انا توني ملك امس ودي اصير صاحب اسره واطلع كرت عايله البرطم الي تحت فيه شويه Milk باقي من الفطور منت شايف العالم صافه Queue ( سرى) خلك معهم الله لايهينك >>>> ابك يابنك Albilad Bank انت وشنبك طبعا هذا بقلبي سحبت اذيال الخيابه ورجع لبقت في قطاار الموت شويه عرق على شويه Foil (احباط ) مرت نصف ساعه وصارت الساعه 8:30 وصلت للموظف اللطيف مديت له اثباتي والاوراق الحمد لله ان بيني وبينه قزازه ولا كاان جاات الاوراق في وجههي احرجني الصراحه في هذا الوقت مر ولد بعمري تقريب لكن كشخه حده كنت مركز في الكبك حقه جالس ادور ليه من زماان خااطري اشتريه >>>>>> لا يكثر

الموظف : خذ هذي استماره روح Sit هناك وعبها واذا ما عندك Pen في تحت بقاله تبيع Pens>>>>متعود على العالم ولا فرحان بقلمه الله اعلم ريوست وجلستعبيت الاستماره ورجعت له اخوي عبيت الاستماره وش بااااقي شباك رقم 3 عااد انت تشوف الWindows ودك تجيب عبد الناصر درويش يمثل فيهاا رمضان 2008 دزيت الى شباك رقم 3 ونفس الشي موظف لطيف وش عندك واعيد له السالفه انا توني مملك و و و الموظف بس بس بس عبيت الاستماره ايه طاال عمرك عبيتهاا عطني اثبااتك سم تفضل خذ صوره الاثبات وقع عليهاا>>> عمر بو شعر

رجعها لي وقالي شباك رقم 4 اوكيه مشكور اخوي يعطيك العافيه دزيت شبااك رقم 4 موظف لطيف مع ابتسامه رضى معفوسه بشاهي ماصخ صبحك بالخير اخوي هنا ماعت له السالفه مديت له صوره الاثبات الي فيها توقيع خويه خذها مني الله حق بصدر رحب وقع عليهاا ورجعهااا لي هنااا ان تصاادمت كرياات الدم الحمرااء با الفسفوريه بعقلي ياتري وش سوى الموظف الاول على شاان يوقع وش سوى الثااني ووقع يمكن تكون لعبه شطرنج انا ما فهمته جات الساعه 8:45رجع لي احسااس لكن ها المره احسااس اني درج مو جنك (الدرج التوفل في الدلاخه) رجع لي الموظف صوره الاثبات شكرته وين الحين اكمل بااقي فلمكم اخوي رد علي وهو معصب ارجع لسرى الاول الي انت جيت منه على شاان التصديق في بعض Staff الله يهديهم تلاقيه فالها جد تلاقيه وصط الدوام يمزح وفديغالى ابعد الحدود صنفته منهم با البدايه

اخوي من جدك امسك الـ Queue من اول توني ماسكه النظاام اخوي النظاام خذيت اورااقي بحرااره زيت شل في الصيف وين مكتب المدير وين مكتب المدير وصلت معي الكل يأشر على هذااك الOffice الي كأنه ورشه يمنيه هذا مكتب المدير طبعا لا سكرتير ول باب صااير هدد دخل الا المدير عندهحوال 93 واحد في الغرفه يووووه وشذ المدير السيااحي في قلبي صبحك با لخير طال عمرك اختصرت له قصتي بكم كلمه اوزت عليه شوي بهار انا موظف عندي Work بكره لزم اخص اموري اليوم الله يطول بعمرك ما قصر طبعا سوى الي عليه وعطااني نفس الكلمه النظام اخوي النظاام ودي قلت له وش راايك في بنده تر رواتب الكاشير فررري Sweet قبل لا اطلع ركزعلى واحد لقيته هو الـ Jntl راعي الكبك الكشخه حاطا رجل على رجل وش راايكم با التركيز

ورجعت الى الـ Queue مره ثاانيه الساعه 9:00وانا اقول في نفسي ليه تسوي كذا وتقبل على مثل هذي Crimes (الجرائم ) تذكرون رااعي الكبك مر علي وانا وااقف لعبت بألعااب الجوال وطقيت فره على My Messages من طلعت الجهااز لين الحمد لله جااااااء الفرج وصلت Window النكد الساعه 9:30 واشراقه ابتسامه جديده من الموظف تفضل طال عمرك الاوراق كلهاا جااهزه اعطاني ورقه تعهد ويالله روح الطه هنااك وقع واكتب اسمك وتعاال الظاهر اني كتبت اسم ولد عمي من الفرحه احس جااني اللفرج بس ابغاا امشي ها لمره وانا راجع لWindow قلت نفسي يقول امسك الـ Queue اذا يبغاني اطلع راسه من الشبااك يقولي الحمد لله استلم الاورااق وقاالي روح صور كرت العايلهعلى شان تخلص

اوكيه اخوي من وين اصور تحت راح تلاقي مكتبه صورمنه نزلت مع الدرج اوزع ضحكه وناسه للي با الـ Queue وصت المكته على قولته في البداايه حسيت با الغش علشهاانه لا مكتبه ولا قاالها الله غرفه فيه آله تصوير وهم سرى لكن سرى يمكن عمره سنتين صغنون >>>> تنكت انت وخشتك صفت الـ Queue وجا دوري الله لا يهينك صورتين لكن اثباات ابشر ولا يهمك صور مع آله الزرااعه حقت فرعون نسوا يدفنونها معه كم حساابك 14ماشاء الله انا بعمري المكتبي 25 سنه ما عمري صورت ورقه بريال في هذا اليوم مرت علي دخلت يدي بجيبي مالقيت فيه فكه لقيت 10 و200 تفضل فكلي قال ما عندي روح دور لك فكه من هنا وهناا لين جات السااعه 10:00 وخلص فلم مستر شنق رجعت للعماره يعقوبان ومع الاصنصير الفله رزت خشتي للموظف هذي الصور الي طلبتها مني خلاص يا اخوي تنتظر اسبوع الجااي لين نطلع لك كرت العايله خنقتني العبره ورديت عليه يا خوي انا من السااعه 7:45 الى ذا الحين السااعه 10 وشوي كله هذا الجهااد على شاان اخلص اليوم بالاخير تقولي بعد اسبوع يعني لو قلت بكره يمكن اهون شوي رد علي بسحبه وجه يا أخي النظاام

ما لكم با الطويله >>>> وش بعده

هنا قررت اني اسمي أسم (أحوال- a7wal)

أول ولد راح يجيني أن شاء الله

اخوكمsankirs


للتعليق على الموضوع او مشاهدة التعليقات الاخرى : http://www.abunawaf.com/post-7135.html

للاشتراك ضع بريدك هنا:

للمشاركة قم بإرسال مشاركتك على البريد التالي :
abunawaf@yahoogroups.com

بيتزا إرا Pizza Era
وسائط أبو نواف


اقسام الملتيميديا

العاب فلاش | ملفات | مقاطع بلوتوث | صوت | صور | فلاش | مقاطع فيديو | منوعات


مواضيع أخرى للمرسل سانكرس vip
تصميم – اربع لوحات اهداء لكم
المندي في 30 خطوه مضمونه
تصميم : مابقى غير الجراح


اخر عشر مواضيع ارسلت للمجموعة
صور : كامبردج العظيمة في بريطانيا العظمى
ضعوفنا في أمريكا
كرهت الزواج بذا اليوم
رحلتي إلى أوروبا – جنيف + ميلانو – الجزء الأخير
تصاميمي الأخيرة – لون حياتكـ
طبخ ونفخ : كل واحد يدخل ويجيب بيالته الشاهي معه
صور : .تقرير عن تجربتي الشخصيه عن الحجامه
تقلبات
اختَلَفَ وأبَى ….تغيّر بعدَ أن تفكَّر ..!
صور : كيف يسمحون لها تطير
شبكة ابو نواف 2000-2007
قوانين الشبكةالخلاصات RSSالملف الصحفي

__._,_.___

للإشراك أو إلغاء الاشتراك أو معرفة تفاصيل إضافية عن المجموعة :
http://www.AbuNawaf.com
————————-
لإلغاء الاشتراك أرسل رسالة فارغة للبريد لتالي
AbuNawaf-unsubscribe@yahoogroups.com
وسوف تأتيك رسالة تأكيد الإلغاء قم بإعادة إرسالها
————————-
المكتبة الصوتية للقرآن الكريم
http://www.mp3quran.net
————————-
موقع رياض القرآن
http://www.ryadh-quran.net
————————-
رسول الله
http://www.rasoulallah.net/
————————-

Recent Activity

Visit Your Group

Only on Yahoo!

Star Wars galaxy

Create a profile

and meet fans.

Wellness Spot

on Yahoo! Groups

A resource for living

the Curves lifestyle.

Healthy Living

Learn to live life

to the fullest

on Yahoo! Groups.

.


__,_._,___

[AbuNawaf] طبخ ونفخ : كل واحد يدخل ويجيب بيالته الشاهي معه

شبكة أبو نواف
وسائط أبو نواف
رسائل الجوال SMS
\"\"
مجموعة ابو نواف رسائل المجموعة ملتيميديا وصلات خارجية الاعضاء إحصائيات

طبخ ونفخ : كل واحد يدخل ويجيب بيالته الشاهي معه
ارسلت بواسطة العضو : emerald بريد العضو : emerald2005@hotmail.com

للتعليق ولمشاهدة الموضوع بشكل افضل : http://www.abunawaf.com/post-7132.html

السلام عليكم ورحمة الله وبركاته
في البدايه حابه اشكر كل من راسلني وشجعني على الموضوع الاول وارسل تطبيقه لي
وان شاء الله نشوف همتكم وتطبيقكم من هذا الموضوع
هالمره اطبقنا موالح ان شاء الله تعجبكم وللمعلوميه تقدرون تفرزنونها ومتى مابغيتوا طلعتوها وقليتوها


نقيت خفيف

هذا مالح سريع وينفع للعزوبيه وبديت فيه لانه اسهل طبق

المقادير

خبز مفرود وفي روايه اخرى خبز لبناني
تونه
شوب بقدونس مقطع قطع صغيره جدا
مايونيز
جبن
شوي فلفل اسود – 2 م ليمون

الطريقه

نجيب خبز المفرود ونقص شوي جوانبها مثل الصوره رقم2
نفك خبزة المفرود من الوسط بحيث يصبح عندنا خبزتين

ندهن الخبزه من داخل بجبن سائل ولاتكثرون مره فقط مسحه
نخلط التونه بعد ماهرسناها مررره ونحط عليها المايونيز و شوي فلفل اسود و 2م ليمون وشوي بفدونس ناعم (مقطع قطع صغيره )0
بعدها نحطها فوق الخبزه مثل الصوره رقم 4 ونلفها كويس

ونغطيها بالقصدير ونحطها بالفريزر ربع ساعه عشان تتماسك
بعدها نطلعه ونقطعها ونحطها بالبيض والبقسماط ونقليها
كل خطوه موضحتها بالصور

ملاحظه : طعم التونه ماراح ينبان للي مايحبه التونه

وبالف صحه وعافيه


أفخاذ الدجاج المحشية

المقادير:

العجينة:
3 ك طحين
4/1 ك زيت
1 م ص بيكنج باودر
1 ك ماء

الحشوة:
2/1 دجاجة مسلوقة ومقطعة
1 جزرة كبيرة مبشورة
1 حبة بطاطس كبيرة مبشورة
2/1 ك بقدونس مفروم
ملح ،فلفل أسود ، كركم
أعواد بطاطس الجاهزة للقلي
للتغطية:
بيضة + حليب سائل
وبقسماط

الطريقة:

تخلط مقادير العجينة جيدا حتى تتكون العجينة ملساء.
ملاحظهبامكانك عمل العجينه الي تزبطينها

لتحضير الحشوة: يسخن قليل من الزيت ويوضع الجزر مع البطاطس ويقلب على النار حتى يذبل ثم يضاف الدجاج
والبقدونس

نفرد العجينه على شكل دائري ونقطعه مثل الصورة
نحط الحشوة ونصفط طرف المثلث ونحط مكانها بطاطس
نلفها مثل الصوره
وبعدها نغمسها بالبيض والبقسمطا
واخيرا نقليها في زيت ساخن غزير على نار معتدلة حتى تتحمر ، وتقدم ساخنة


ريسول ( بالبان كيك)

طعمها لذيذ ماينشبع منها

المقادير
العجينة :
1ونص ك طحين
نص م ص ملح – 2 بيض
1ونص ك حليب سائل

تخلط معاً في خلاط اليد

الحشوة :
3م زبدة
ملح
1ثوم مهروسه
1بصل
فلفل اسود
2صدر دجاج مسلوق (مقطع صغير )
2جزر (مقطع صغير )
تحمس مع بعض وتوضع على جنب

البشمل :
3م طحين – فلفل اسود
1ونص ك حليب سائل
ملعقة زبدة – ملح

تذوب الزبدة مع الطحين والفلفل الاسود وملح واذا صارت بنيه نضع الحليب وتحرك إلى ان تثقل

الطريقة :

تخبز العجينة مثل البان كيك ( بالالة البان كيك او الرصع ) ونخليها تكون رقيقه
وتخلط الحشوة مع البشمل
وتلف البان كيك على شكل السبرنق رول ثم توضع في البض ثم البقسماط ثم تقلى
، وتقدم ساخنة
في النهايه لاتحرموني من دعاويكم الحلوه
وانتظر تطبيقاتكم
EMERALD


للتعليق على الموضوع او مشاهدة التعليقات الاخرى : http://www.abunawaf.com/post-7132.html

للاشتراك ضع بريدك هنا:

للمشاركة قم بإرسال مشاركتك على البريد التالي :
abunawaf@yahoogroups.com

بيتزا إرا Pizza Era
وسائط أبو نواف


اقسام الملتيميديا

العاب فلاش | ملفات | مقاطع بلوتوث | صوت | صور | فلاش | مقاطع فيديو | منوعات


مواضيع أخرى للمرسل emerald
طبخ ونفخ : كل واحد يجيب فنجاله ويقلط


اخر عشر مواضيع ارسلت للمجموعة
صور : كامبردج العظيمة في بريطانيا العظمى
ضعوفنا في أمريكا
كرهت الزواج بذا اليوم
رحلتي إلى أوروبا – جنيف + ميلانو – الجزء الأخير
تصاميمي الأخيرة – لون حياتكـ
طبخ ونفخ : كل واحد يدخل ويجيب بيالته الشاهي معه
صور : .تقرير عن تجربتي الشخصيه عن الحجامه
تقلبات
اختَلَفَ وأبَى ….تغيّر بعدَ أن تفكَّر ..!
صور : كيف يسمحون لها تطير
شبكة ابو نواف 2000-2007
قوانين الشبكةالخلاصات RSSالملف الصحفي

__._,_.___

للإشراك أو إلغاء الاشتراك أو معرفة تفاصيل إضافية عن المجموعة :
http://www.AbuNawaf.com
————————-
لإلغاء الاشتراك أرسل رسالة فارغة للبريد لتالي
AbuNawaf-unsubscribe@yahoogroups.com
وسوف تأتيك رسالة تأكيد الإلغاء قم بإعادة إرسالها
————————-
المكتبة الصوتية للقرآن الكريم
http://www.mp3quran.net
————————-
موقع رياض القرآن
http://www.ryadh-quran.net
————————-
رسول الله
http://www.rasoulallah.net/
————————-

Recent Activity

Visit Your Group

Only on Yahoo!

World of Star Wars

Meet fans, watch

videos & more.

Y! Messenger

All together now

Host a free online

conference on IM.

Moderator Central

An online resource

for moderators

of Yahoo! Groups.

.


__,_._,___

[AbuNawaf] تصاميمي الأخيرة – لون حياتكـ

شبكة أبو نواف
وسائط أبو نواف
رسائل الجوال SMS
\"\"
مجموعة ابو نواف رسائل المجموعة ملتيميديا وصلات خارجية الاعضاء إحصائيات

تصاميمي الأخيرة – لون حياتكـ
ارسلت بواسطة العضو : – D r . J a v a – بريد العضو : dr.java@m77.cc

للتعليق ولمشاهدة الموضوع بشكل افضل : http://www.abunawaf.com/post-7133.html

السلام عليكم ..
بعد طول غياب عن التصميم
هذي ثلاث تصاميم سويتها بالأسبوع الماضي
أتمنى تنال إعجابكم🙂


: التصميم الأول :

تصميم بمناسبه الحر إللي مفتري فينا
و الله ياني إشتهيت هالكاس


: التصميم الثاني :

تصميم سويته بناءا على طلب شركة أبل ككككك
دفعولي نص مليون عليه هههههههههه


: التصميم الثالث :

تصميم تعبت عليه لأني ما إستخدمت فيه خط
و إستخدمت أداة رسم الأشكال
علشان أسوي الكلام
قهرتني ما طلعت زي ما كنت متخيلها
بس يالله … الجاييات أكثر


أتمنى أشوف إنتقادات ..
وشكرا لكم ….
و دمتم بعافيه
Dr.Java


للتعليق على الموضوع او مشاهدة التعليقات الاخرى : http://www.abunawaf.com/post-7133.html

للاشتراك ضع بريدك هنا:

للمشاركة قم بإرسال مشاركتك على البريد التالي :
abunawaf@yahoogroups.com

بيتزا إرا Pizza Era
وسائط أبو نواف


اخر عشر مواضيع ارسلت للمجموعة
صور : كامبردج العظيمة في بريطانيا العظمى
ضعوفنا في أمريكا
كرهت الزواج بذا اليوم
رحلتي إلى أوروبا – جنيف + ميلانو – الجزء الأخير
تصاميمي الأخيرة – لون حياتكـ
طبخ ونفخ : كل واحد يدخل ويجيب بيالته الشاهي معه
صور : .تقرير عن تجربتي الشخصيه عن الحجامه
تقلبات
اختَلَفَ وأبَى …تغيّر بعدَ أن تفكَّر ..!
صور : كيف يسمحون لها تطير
شبكة ابو نواف 2000-2007
قوانين الشبكةالخلاصات RSSالملف الصحفي

__._,_.___

للإشراك أو إلغاء الاشتراك أو معرفة تفاصيل إضافية عن المجموعة :
http://www.AbuNawaf.com
————————-
لإلغاء الاشتراك أرسل رسالة فارغة للبريد لتالي
AbuNawaf-unsubscribe@yahoogroups.com
وسوف تأتيك رسالة تأكيد الإلغاء قم بإعادة إرسالها
————————-
المكتبة الصوتية للقرآن الكريم
http://www.mp3quran.net
————————-
موقع رياض القرآن
http://www.ryadh-quran.net
————————-
رسول الله
http://www.rasoulallah.net/
————————-

Recent Activity

Visit Your Group

Only on Yahoo!

Star Wars galaxy

Create a profile

and meet fans.

Moderator Central

Yahoo! Groups

Join and receive

produce updates.

Y! Messenger

Files to share?

Send up to 1GB of

files in an IM.

.


__,_._,___

[AbuNawaf] تقلبات

شبكة أبو نواف
وسائط أبو نواف
رسائل الجوال SMS
\"\"
مجموعة ابو نواف رسائل المجموعة ملتيميديا وصلات خارجية الاعضاء إحصائيات

تقلبات
ارسلت بواسطة العضو : ramadi بريد العضو : ramadi28@hotmail.com

للتعليق ولمشاهدة الموضوع بشكل افضل : http://www.abunawaf.com/post-7130.html

حوار خالي من الحياء

الاول يقول:

ياخي جتني دعوه بحكم عملي لحضور حفل للايتام بالرياض
والمشكله اني كنت بحضر نهائي كأس فيصل بنفس اليوم
كتبت على الدعوه (كان بودنا ان نسرح ونمرح مع اطفالنا احبائنا الايتام
لكن وربي اني معزوم على نهائي كاس الامير فيصل بن فهد ((((يرحمه الله))).
حطيت اقواس على يرحمه الله وارسلتها لهم

والثاني يقول :

والله انك ذكي …لكن موب اذكى مني
انا جتني بعد نفس الدعوه لكن كنت معزوم بنفس اليوم
على حفل خاص فيه كل انواع السيكو سيكو
عند صاحبنا خيري الصيعان….لكن خويك ذيب
بعد تفكير بسيط كتبت على دعوة الايتام
يا للأسف وااااااحسافتاه ..كان بودنا ان نفرح مع ايتامنا اكبادنا
ولكن اقسم بالله اني معزوم على حفل خيري!!!!
يعيش التمويه السفلي ….والمرض العقلي المبطن يسوي اكثر من كذا
للأثنين أطلق عليكما هذه الصوره << صوت طلقة رصاصه


حالنا في بلدنا

كل شيء حلو وعايشين احسن عيشه ومحنا محتاجين شي والحمدلله
ابوي (يسمع) بالديون وامي كل يوم تشتري رز وصابون
ابوي كل سنه يسفرنا ثلاث مرات وكل يوم يجيب لنا من مطعم ابوالخيرات ويودينا البحر نشوي سمك وسجق
ومايمنع قليلاً من المرق
.ابوي يعطينا في (((اليوم))) خمسين دولار ..اصرف عشرة دوالير ويبقى منها اربعين
احطها بالحصاله واجمع عليها
عشان كذا احنا مو محتاجين شي في بلدنا
وبلدنا احسن بلد بالعالم
الطالب : سعدان بن مبسوط بن متشقق الفرحان آل شارب سعاده
سادس (أ)
اسم الملعلماس
اسم المعلم :قافله بن معه بن من مشية امه
هذا اختبار مادة التعبير عندما كنت في الابتدائي كتبته بأثر رجعي.
فكرت في ان اكتب تعبير جديد مماثل له (وانا بعمر الثلاثين) تعبر عن دواخلي الاحساسيه الحاليه
وقبل ان اكمل التفكير,.ضربت بريك وقلت


انسى

حوار بين زوجين
الزوج : انتو يالحريم مثل الكوره اشوتها على الجدار وترجع لي
الزوجه : جرب تشوتني واذا ماجاك الجدار على راسك مااكون ام فلان
——-
الزوجه : انتو يالرجال مثل طابع الريد نتفل (نبصق) عليه ويتلصق فينا
الزوج : بكره أبي ملوخيه بس لاتطلع تتلصق مثل آخر مره..وترى الكبسه اليوم ماضبطتيها!!!
——–

الزوجه : اتخيل اني بجلس من النوم بلاقي جنبي على السرير ورده منك وجنبها رساله
كاتب فيها كلام رومنسي
الزوج : لايرد عليها
صباح اليوم الثاني : الزوجه استيقظت من النوم ووجدت بجانبها ورقها وقفزت عليها كما الكنقر
كتب لها زوجها : مالقيت ورده احطها لك لكن اليوم بوديك الكورنيش نصيد سمك بشرط : ان تضبطين الملوخيه
بعد عدة سنوات من الزواج :
الزوج :انا وش ابلشني فيك ….امي صادقه يوم تقول لي:. خذ غنيه تغنيك ولاتاخذ فقيره تفقرك….. ليتني سامع كلامها.
الزوجه : تصدق….. امي قالت لي : يارب ياخذك زوجن يهنيك ولاياخذك زوجن مفقورن يتمنن عليك.
الزوج بكل ثقه: وانا اي واحد فيهم ؟
فأجابت : امي قالت لي هالكلام امس
طلقني

الموهبه المدفونه :
لايوجد شخص عاقل او حتى مجنون في الكون لايملك مواهب مدفونه ومكبوته بداخله
منهم من ينجح في اخراج مواهبه ويستفيد منها ويصقلها حتى يصبح ذو انتاجيه
ومنهم من لايعرف بموهبته المدفونه وياحسرتي عليها
ولأني احب تاليف القصص
فلنجرب هنا اخراج موهبه كتابة القصه من البعض
تمعن بالصوره اولاً

المربعات الملونه عباره عن اشخاص بداخل القصه
كل ماعليك هو اختراع قصه من هذه المربعات
جرب ولن تندم

المكان
مجمع تجاري كبير

الاحمر
رجل وزوجته

الاخضر
عمال نظافه

الاصفر
اطفال

الاسود
شباب متسكعين

الوردي
بنت تتمشي لوحدها

الرمادي
بنات محتشمات

الابيض
رجال الهيئه

البرتقالي
عقلك وهو ينظر الى بقية المربعات

الآن أبدأ بينك وبين نفسك تأليف قصه
تستطيع كتابة قصه كامله
هل تحس بالعجز عن كتابة قصه كامله؟
لديك حل آخر
تستطيع كتابة جمله تعبيريه او تحذيريه او توعويه
تكفي لايصال المعلومه من هذه المربعات
هذه الفكره مجرد مثال
قسها على مابداخل عقلك واعتقد بانك ستكتشف نفسك في احدى المجالات


النقل الجميل

تعودت منذ اول ايميل ارسلته الى قروب بونواف ان ابحث بعد فتره في بقالة قوقل عن جمل كتبتها في كتاباتي
والحمدلله أجد بعض الاعضاء ينقل للمنتديات مااكتبه حرفيا وينسبها له واحيانا قليلة يذكر فيها اسمي!!
اكون سعيداً في الحالتين لاني استمتع بقراءة رد فعل الاعضاء تجاه ماكتبت رغم ان المجامله لناقلها تكون طاغيه

أطرف ماقرأته :

فقره كتبت فيها

ويبدو أن الشخص الذي نقل الموضوع (نسخ ولصق) لم يقرأه

ولذلك لم ينسخه كاملاً فسقطت كلمة ابوك من الموضوع

مما ولد الحيره في كل من قرأ الموضوع
فكانت بعض الردود ان لم تخني الذاكره

– وشو الرد
2 – جد اخوي وش الرد
3 – تسلم اخوي بس ايش الرد
4 – انت تفهم عربي …. ايش الرد

اعتقد انه حتى الان لم يجبهم
لانه لم لم يفهم ماذا يقصدون ب(ايش الرد).
لاازعل ممن يسرقون مجهودي فالأمر لايهمني بتاتاً
يعني خذو راحتكم فلم أخسر ريالاً واحداً على ماكتبته

خاص
ارى نفسي صغيراً في قروب ابونواف الضخم والمليء بنخبة الكتاب المبدعين
فأرجو أن تنال تقلباتي رضاكم
واذا لم تكن كذلك فأرجوكم احتفظوا بها في دواخلكم
لأني سأستمر… لايماني المطلق بأن مااكتبه سيعجب المحبطين امثالي

رمادي مـــــع وقف التنفيذ
كما هذي
مدونتي
ماشاء الله تبارك الله
سبحان الله وبحمده سبحان الله العظيم


للتعليق على الموضوع او مشاهدة التعليقات الاخرى : http://www.abunawaf.com/post-7130.html

للاشتراك ضع بريدك هنا:

للمشاركة قم بإرسال مشاركتك على البريد التالي :
abunawaf@yahoogroups.com

بيتزا إرا Pizza Era
وسائط أبو نواف


اقسام الملتيميديا

العاب فلاش | ملفات | مقاطع بلوتوث | صوت | صور | فلاش | مقاطع فيديو | منوعات


مواضيع أخرى للمرسل ramadi
:: مرني ::
جُـبـلّـت – الرابعة والاخيرة
جُبلت 3
جُبلتُ 2
جُبلت


اخر عشر مواضيع ارسلت للمجموعة
صور : كامبردج العظيمة في بريطانيا العظمى
ضعوفنا في أمريكا
كرهت الزواج بذا اليوم
رحلتي إلى أوروبا – جنيف + ميلانو – الجزء الأخير
تصاميمي الأخيرة – لون حياتكـ
طبخ ونفخ : كل واحد يدخل ويجيب بيالته الشاهي معه
صور : .تقرير عن تجربتي الشخصيه عن الحجامه
تقلبات
اختَلَفَ وأبَى ….تغيّر بعدَ أن تفكَّر ..!
صور : كيف يسمحون لها تطير
شبكة ابو نواف 2000-2007
قوانين الشبكةالخلاصات RSSالملف الصحفي

__._,_.___

للإشراك أو إلغاء الاشتراك أو معرفة تفاصيل إضافية عن المجموعة :
http://www.AbuNawaf.com
————————-
لإلغاء الاشتراك أرسل رسالة فارغة للبريد لتالي
AbuNawaf-unsubscribe@yahoogroups.com
وسوف تأتيك رسالة تأكيد الإلغاء قم بإعادة إرسالها
————————-
المكتبة الصوتية للقرآن الكريم
http://www.mp3quran.net
————————-
موقع رياض القرآن
http://www.ryadh-quran.net
————————-
رسول الله
http://www.rasoulallah.net/
————————-

Recent Activity

Visit Your Group

Star Wars on Y!

Discover new content

Connect with other

fans & upload video.

Food Lovers

Real Food Group

on Yahoo! Groups

find out more.

All-Bran

Day 10 Club

on Yahoo! Groups

Feel better with fiber.

.


__,_._,___